ஆயுத இருப்புகள் மட்டுமே வெற்றியைத் தீர்மானிக்காது

<p><strong>ஆயுத இருப்புகள் மட்டுமே வெற்றியைத் தீர்மானிக்காது&nbsp;</strong></p> <p>லண்டன், மார்ச் 6- ஈரான் மீதான அமெரிக்க மற்றும் இஸ்ரேலியக் கூட்டு ராணுவ நடவடிக்கையில், இரு தரப்பிலும் உள்ள ஆயுத இருப்பு (Weapons stocks) என்பது போரின் போக்கை நிர்ணயிப்பதில் ஒரு முக்கியமான காரணியாக இருக்கும் என்று பிபிசி-யின் பாதுகாப்புத் துறை செய்தியாளர் ஜொனாதன் பீல் தனது ஆய்வில் தெரிவித்துள்ளார். போரைத் தீர்மானிக்கும் காரணிகள் &ldquo;ஈரான் உடனான மோதலின் முடிவை ஆயுத இருப்புகள் மட்டுமே தீர்மானித்துவிடப் போவதில்லை என்றாலும், அது நிச்சயமாக ஒரு தவிர்க்க முடியாத மற்றும் மிக முக்கியமான காரணியாகும்&rdquo; என்று ஜொனாதன் பீல் குறிப்பிட்டுள்ளார். அமெரிக்கா போன்ற ஒரு வல்லரசு நாடு, ஈரானின் ட்ரோன்கள் மற்றும் ஏவுகணைத் தாக்குதல்களைச் சமாளிக்கத் தனது அதிநவீன வான் பாதுகாப்பு ஏவுகணைகளை (Interceptor Missiles) எவ்வளவு காலம் தொடர்ந்து பயன்படுத்த முடியும் என்பது இப்போது பெரிய கேள்வியாக எழுந்துள்ளது. தொழில்நுட்பமும் எண்ணிக்கையும் ஈரான் தனது நட்பு நாடுகளின் உதவியுடன் தயாரித்துள்ள மலி வான ட்ரோன்கள் மற்றும் ஏவு கணைகளைத் திரள் திரளாக ஏவி வருகிறது. இவற்றைத் தடுத்து நிறுத்த அமெரிக்கா பல மில்லியன் டாலர் மதிப்புள்ள விலை உயர்ந்த ஏவுகணைகளைப் பயன்படுத்த வேண்டியுள்ளது. இந்த ஆயுதப் பயன்பாட்டு விகிதம் நீண்ட கால அடிப்படையில் அமெரிக்காவின் ராணுவத் தயார்நிலையைப் பாதிக்கக்கூடும் என்று ஜொனாதன் பீல் சுட்டிக்காட்டுகிறார். உற்பத்திச் சங்கிலியின் பலவீனம் அமெரிக்கா மற்றும் அதன் நேட்டோ கூட்டாளிகளிடம் அதி நவீன ஆயுதங்கள் இருந்தாலும், அவற்றைத் தயாரிக்கும் வேகம் என்பது போர்க்களத்தில் அவை செலவிடப்படும் வேகத்திற்கு ஈடாக இல்லை. ஏற்கெனவே உக்ரைன் போருக்கு அதிகப்படியான ஆயு தங்களை வழங்கியுள்ள நிலை யில், தற்போது ஈரானுடன் நேரடி யாகப் போர் மூண்டிருப்பது அமெ ரிக்காவின் ஆயுதக் கிடங்குகளில் ஒரு வெற்றிடத்தை ஏற்படுத்தக் கூடும் என இந்த ஆய்வு எச்சரிக்கிறது. தார்மீக உறுதி மற்றும் வியூகம் வெறும் ஆயுத எண்ணிக்கை யைத் தாண்டி, ஒரு நாட்டின் நிலப்பரப்பு, மக்களின் தார்மீக உறுதி மற்றும் ராணுவத் தலைவர்களின் போர் வியூகங்கள் ஆகியவை வெற்றியைத் தீர்மானிப்பதில் முக்கியப் பங்கு வகிக்கும். ஆயுதப் பற்றாக்குறை ஏற்படும் பட்சத்தில், அது ஒரு நாட்டின் அரசியல் தலைமையைச் சமரசத்திற்குத் தள்ளக்கூடும் அல்லது போரின் தீவிரத்தைக் குறைக்கக் கட்டாயப்படுத்தும் என &nbsp;ஜொனாதன் பீல் தனது கட்டுரை யில் விரிவாக விளக்கியுள்ளார்.</p>