வெற்றி கொள்வாய்! - (கோவி.பால.முருகு)

<p><strong>வெற்றி கொள்வாய்! - (கோவி.பால.முருகு) </strong></p><p>கண்ணின் மணியாய் இருக்கிறாயே கண்ணம்மா! என்னில் உன்னைக் காண்கிறேனே பொன்னம்மா! பெண்ணின் பெருமை பெற்றவளே செல்லம்மா! பேசும் மொழியில் பெருமைமிகக் கொள்ளம்மா! </p><p><br></p><p>எதையும் எதற்கு ஏனென்று கேட்பாயே! எவர்சொல் லாயினும் பகுத்தறிந்து பார்ப்பாயே! அறிவியல் பார்வை அற்றவற்றை மறுப்பாயே! அறிவே முக்கியம் அதனாற்றல் அறிவாயே! </p><p><br></p><p>வள்ளலார் வள்ளுவர் வகுத்தவழி கற்பாயே! தெள்ளு தமிழைத் திகட்டாமல் படிப்பாயே! உள்ளத் தூய்மை வாய்மையால் காண்பாயே! ஊறும் கருணை மனிதநேயம் கொள்வாயே! </p><p><br></p><p>கல்வியை வரமாய்க் காண்பவளே பெண்ணம்மா கல்வியைப் பெண்கள் கற்பதுதான் சிறப்பம்மா! மெல்லினம் இல்லை வல்லினமே நீயம்மா! மேன்மை தருஞ்செயல் உன்னிடம்தான் இருக்குதம்மா! </p><p><br></p><p>துள்ளல் நடையில்! துளங்குகின்ற வீரம்மா! துணிச்சல் மிகுந்த தொண்டுசெய்து பாரம்மா! கள்ள மில்லா மனத்தவளே! நீயம்மா! காணும் வெற்றியைக் கடைமையிலே கொள்ளம்மா!</p><p><br></p><p><br></p>