வைகை ஆற்றை விஷமாக்கும் மருத்துவக் கழிவுகள்: தேனூர் மண்டபம் கரையில் குவியும் அபாயக் குப்பை

<p><strong>வைகை ஆற்றை விஷமாக்கும் மருத்துவக் கழிவுகள்: தேனூர் மண்டபம் கரையில் குவியும் அபாயக் குப்பை</strong></p><p> மதுரை, மே 20- மதுரையின் உயிர்நாடியாக கருதப்படும் வைகை ஆறு, தற்போது ஆபத்தான மருத்துவ மற்றும் உயிரியல் கழிவுகள் கொட்டப்படும் திறந்த குப்பை குளமாக மாறி வருவதாக பொதுமக்கள் வேதனை தெரிவித்துள்ளனர். </p><p>குறிப்பாக தேனூர் மண்டபம் கரைப் பகுதியில், ஆற்றின் நடுப் பகுதியிலேயே மருத்துவமனைகளில் இருந்து வெளியேறும் மருத்துவக் கழிவுகள், இறைச்சிக் கழிவுகள் மற்றும் திருமண மண்டபங்களில் இருந்து வெளியேறும் உணவுக் கழிவுகள் மலைபோல் குவித்து கொட்டப் பட்டுள்ளதாக குற்றச்சாட்டு எழுந்து ள்ளது. </p><p>மேலும் பயன்படுத்தப்பட்ட ஊசிகள், ரத்தக்கறை படிந்த மருத்துவப் பொருட்கள், கையுறைகள், பிளாஸ்டிக் மருத்துவ உபகரணங்கள் உள்ளிட்ட உயிரியல் மருத்துவக் கழிவுகள் எந்தவித பாதுகாப்பு நடைமுறைகளும் இன்றி திறந்த வெளியில் கொட்டப்பட்டு, பின்னர் தீ வைத்து எரிக்கப்படுவதாகவும் கூறப்படுகிறது. </p><p>இதனால் அப்பகுதியில் கடும் துர்நாற்றம் மற்றும் கரும்புகை சூழ்ந்து காணப்படுவதால், அருகில் வசிக்கும் பொதுமக்கள் அவதியடைந்து வருகின்றனர்.</p><p> புகை காரணமாக சுவாசக்கோளாறு, கண் எரிச்சல் உள்ளிட்ட உடல்நல பாதிப்புகள் ஏற்படுவதாகவும் மக்கள் குற்றம்சாட்டுகின்றனர். </p><p>சுற்றுச்சூழல் ஆர்வலர்கள் கூறுகையில், “வைகை ஆற்றில் மருத்துவக் கழிவுகள் கொட்டப்படுவது மிகப்பெரிய சுற்றுச்சூழல் மற்றும் பொது சுகாதார அச்சுறுத்தலாகும். உயிரியல் கழிவுகளை முறையாக அகற்றாமல் திறந்த வெளியில் எரிப்பது சட்டவிரோதமானது. </p><p>இதனால் நிலத்தடி நீர், காற்று மற்றும் ஆற்றுநீர் மாசுபடும் அபாயம் உள்ளது” என்றனர். எ</p><p>னவே, வைகை ஆற்றங்கரையில் கொட்டப்படும் மருத்துவ மற்றும் பிற கழிவுகளை உடனடியாக அகற்றுவதுடன், இதற்கு காரணமானவர்கள் மீது மாவட்ட நிர்வாகம் மற்றும் மாசுக் கட்டுப்பாட்டு வாரியம் கடும் நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.</p>