வர்த்தக ஒப்பந்தத்தை இறுதிசெய்ய முடிவு ஜூன் 1-இல் இந்தியா வரும் அமெரிக்க குழு!

<p><strong>வர்த்தக ஒப்பந்தத்தை இறுதிசெய்ய முடிவு ஜூன் 1-இல் இந்தியா வரும் அமெரிக்க குழு!</strong></p><p>புதுதில்லி, மே 28 - இந்தியா - அமெரிக்கா இடையே வர்த்தக ஒப்பந்தம் தொடர்பாக பேச்சு வார்த்தை நடந்து வருகிறது. </p><p>கடந்த பிப்ரவரி மாதம் இரு நாடுகள் இடைக்கால வர்த்தக ஒப்பந்தம் அறிவிக்கப்பட்டது. </p><p>இந்நிலையில் இடைக்கால வர்த்தக ஒப்பந்தத்தின் விவரங்களை இறுதி செய்வது குறித்தும், இருதரப்பு வர்த்தக ஒப்பந்த பேச்சுவார்த்தைகள் குறித்தும் விவாதிக்க அமெரிக்க குழு அடுத்த வாரம் வர உள்ளது. </p><p>பிரெண்டன் லிஞ்ச் தலைமையிலான, இந்த அமெரிக்க வர்த்தகக் குழு ஜூன் 1 அன்று இந்தியாவுக்கு வருகிறது. </p><p>தொடர்ந்து ஜூன் 4 வரை, இந்தக்குழு இந்திய அதிகாரிகளுடன் ஆலோசிக்க உள்ளது. </p><p>அடுத்த 5 ஆண்டுகளில் 48 லட்சம் கோடி ரூபாய் அளவிற்கு அமெரிக்கப் பொருட்களை இறக்குமதி செய்வதற்கு மோடி அரசை மிரட்டி அமெரிக்கா பணிய வைத்தது. </p><p>இதற்கான தற்காலிக வர்த்தக ஒப்பந்தம் பிப்ரவரி மாதம் ஏற்பட்டது. </p><p>இதன் பிறகு தான், இந்தியா மீதான வரியை 50 சதவிகிதத்தில் இருந்து 18 சதவிகித மாக குறைத்து அமெரிக்கா அறிவித்தது குறிப்பிடத்தக்கது.</p>