“நான் மட்டும் இல்லையென்றால் நீ சிறையில் இருந்திருப்பாய்!”

<p><strong>“நான் மட்டும் இல்லையென்றால் நீ சிறையில் இருந்திருப்பாய்!”</strong></p><p><strong>நேதன்யாகுவை டிரம்ப் வசைபாடியதாக தகவல்</strong></p><p>வாஷிங்டன் லெபனான் தலைநகர் பெய்ரூட் மீது இஸ்ரேல் நடத்த திட்டமிட்டி ருந்த மிகப்பெரிய ராணுவத் தாக்குதலை, தான் தலையிட்டு தடுத்து நிறுத்தியதாக அமெரிக்க ஜனாதிபதி டிரம்ப் தெரிவித்துள்ளார்.</p><p> இஸ்ரேல் லெபனான் மீது தீவிர தாக்கு தல்களை நடத்தி அந்நாட்டு நிலங்களை ஆக்கிரமித்து வருகிறது. </p><p>சமீபத்தில் அந் நாட்டின் பாதுகாப்பு முக்கியத்துவம் வாய்ந்த பியூபோர்ட் கோட்டையை கைப்பற்றியது. </p><p>பிறகு அந்நாட்டு தலைநகர் பெய்ரூட்டை சுற்றி யுள்ள நகரங்களை தாக்கி அழித்து அப் பகுதிகளை கைப்பற்ற திட்டமிட்டிருந்தது. </p><p>இந்நிலையில் தான் டிரம்ப் தனது ‘ட்ரூத் சோஷியல்’ சமூக வலைத்தளப் பக்கத்தில் ஒரு பதிவிட்டார்.</p><p> அதில் பெய்ரூட் மீது பெரிய அளவிலான தாக்குதலை நடத்த வேண்டாம் என்று அவரிடம் கேட்டுக்கொண்டேன். </p><p>அவர் (நேதன்யாகு) தனது ராணுவத்தை திருப்பி அனுப்பியுள்ளார் என்று பதிவிட்டுள்ளார். </p><p>லெபனான் மீதான இஸ்ரேலின் தொடர் தாக்குதல்கள் காரணமாக, அமெரிக்காவுடன் நடத்தி வரும் பேச்சுவார்த்தைகளை முடி வுக்குக் கொண்டு வரப்போவதாக ஈரான் எச்சரித்ததை அடுத்தே டிரம்ப் இந்தத் தொலை பேசி அழைப்பை மேற்கொண்டார். </p><p> இந்தத் தொலைபேசி உரையாடலின் போது இருவருக்குள்ளும் கடுமையான வாக்குவாதம் நடந்ததாக அமெரிக்க ஊடக மான ‘ஆக்சியோஸ்’ (Axios) செய்தி வெளி யிட்டுள்ளது. </p><p>அமெரிக்க அதிகாரி ஒருவர் கூறுகை யில், டிரம்ப் நேதன்யாகுவிடம், உனக்கு என்ன பைத்தியம் பிடித்துவிட்டதா? நான் மட்டும் இல்லையென்றால் நீ இந்நேரம் சிறையில் இருந்திருப்பாய். </p><p>நான் உன்னைக் காப்பாற்றிக் கொண்டிருக்கிறேன். </p><p>உன்னுடைய இந்தச் செயலால் இப்போது எல்லோரும் உன்னை வெறுக்கிறார்கள். இதனால் எல்லோரும் இஸ்ரேலையும் வெறுக்கிறார்கள் என்று மிகக் கடுமையான வார்த்தைகளால் திட்டிய தாகத் தெரிவித்துள்ளார்.</p>