அமெரிக்க நிறுவனங்களுக்கு சீனாவில் அனுமதி கேட்பேன் - டிரம்ப்

<p><strong>அமெரிக்க நிறுவனங்களுக்கு சீனாவில் அனுமதி கேட்பேன் - டிரம்ப்</strong></p><p>பெய்ஜிங்,மே 13- அமெரிக்க ஜனாதிபதி டிரம்ப் அரசுமுறைப்பயணமாக சீனா சென்றுள்ளார். </p><p>இந்த பயணத்தில் சீனாவுடனான வர்த்தக உறவுகளை மேம்படுத்தவும், நிலுவையில் உள்ள அரசியல் சிக்கல்களுக்குத் தீர்வு காணவும் பேச்சுவார்த்தை நடத்தப்படும் என கூறப்படுகிறது.</p><p> கடந்த பத்து ஆண்டுகளில் அமெரிக்க ஜனாதிபதி ஒருவர் சீனாவுக்கு மேற்கொள்ளும் முதல் பயணம் இதுவாகும். </p><p>இந்தப் பயணம் முழுக்க முழுக்க வணிகம் மற்றும் பொருளாதாரத்தை முன்னிலைப்படுத்திய ஒன்றாகவே அமைந்துள்ளது. </p><p>இதனை உறுதிப்படுத்தும் விதமாக, அமெரிக்காவின் முன்னணித் தொழில்நுட்ப நிறுவனங்களின் தலைவர்கள் டிரம்ப்புடன் சீனா சென்றுள்ளனர்.</p><p> இந்த பயணத்தின் போது ஜி ஜின்பிங்கிடம் அந்நாட்டை அமெரிக்க நிறுவனங்களுக்காக திறந்து விட கோரிக்கை வைப்பேன் என டிரம்ப் குறிப்பிட்டுள்ளார். </p><p>உலகின் முன்னணி செயற்கை நுண்ணறிவு சிப் தயாரிப்பு நிறுவனமான என்விடியா (Nvidia) சிஇஓ ஜென்சன் ஹுவாங், டெஸ்லா நிறுவனத்தின் தலைமை அதிகாரி எலான் மஸ்க் உள்ளிட்ட சில தொழிலதிபர்கள் டிரம்ப்பின் விமானத்திலேயே அவருடன் பயணித்து சீனா சென்றுள்ளனர். </p><p> மேலும் சீன தலைநகர் பெய்ஜிங்கில் நடைபெறவுள்ள பேச்சுவார்த்தைகளில் ஆப்பிள் நிறுவனத்தின் சிஇஓ டிம் குக் உள்ளிட்ட பல முக்கிய நிறுவனங்களின் தலைவர்கள் பங்கேற்க உள்ளதாக தெரிவிக்கப்பட்டுள்ளது. </p><p>இது பற்றி தனது சமூக ஊடகத்தில் பதிவிட்ட டிரம்ப், அமெரிக்காவின் திறமையான சிஇஓ-க்கள் சீனாவில் தங்களது பணிகளைத் தடையின்றி மேற்கொள்வதற்கு ஏதுவாக, சீனப் பொருளாதாரத்தை “திறந்துவிடுமாறு” (Open up) சீனா ஜனாதிபதி ஜி ஜின்பிங்கிடம் வலியுறுத்தப் போவதாகக் குறிப்பிட்டுள்ளார்.</p><p> மத்திய கிழக்கில் நிலவும் போர்ச் சூழல் மற்றும் தைவான் விவகாரம் போன்ற அரசியல் உரசல்களுக்கு மத்தியிலேயே இந்தப் பயணம் நடைபெறுகிறது. </p><p>மார்ச் மாதம் நடைபெற வேண்டிய இந்தப் பயணம் போர்க் காரணங்களால் தள்ளிப்போனது. </p><p>ஈரானிடமிருந்து சீனா அதிக கச்சா எண்ணெய்யை இறக்குமதி செய்யும் நிலையில், இது குறித்து ஜி ஜின்பிங்குடன் விரிவாக விவாதிக்க உள்ளதாக டிரம்ப் தெரிவித்தார். </p><p> இந்நிலையில் அமெரிக்காவுடன் இணைந்து ஒத்துழைப்பை விரிவுபடுத்தவும், கருத்து வேறுபாடுகளைக் களையவும் தயாராக இருப்பதாகக் கூறியுள்ளது. </p><p>மேலும், அரிய வகை கனிமங்கள் (rare earth) ஏற்றுமதி கட்டுப்பாடுகள், செயற்கை நுண்ணறிவு (AI) போட்டி மற்றும் கடந்த அக்டோபரில் எட்டப்பட்ட வரி விதிப்பு, போர் நிறுத்த உடன்படிக்கையை நீட்டிப்பது குறித்தும் இரு தலைவர்களும் ஆலோசிக்க உள்ளனர். </p><p>இந்தப் பயணத்தின் ஒரு பகுதியாக, தைவானுக்கு அமெரிக்கா ஆயுதங்களை விற்பனை செய்வது குறித்து விவாதிக்கப்பட உள்ளது. </p><p>கடந்த டிசம்பர் மாதம் சுமார் 11 பில்லியன் டாலர் மதிப்பிலான ஆயுதங்களை தைவானுக்கு விற்பனை செய்ய டிரம்ப் நிர்வாகம் அறிவித்திருந்தது. </p><p>இதற்குச் சீனா தனது கடுமையான எதிர்ப்பைப் பதிவு செய்தது குறிப்பிடத்தக்கது.</p>