டிஎன்பிஎஸ்சி 461 காலியிடங்கள்

<p><strong>டிஎன்பிஎஸ்சி 461 காலியிடங்கள்</strong></p><p>தமிழ்நாடு அரசு துறைகளில் காலியாக உள்ள தொழில்நுட்ப பணியிடங்களை நிரப்புவதற்காக தமிழ்நாடு அரசுப் பணியாளர் தேர்வாணையம் TNPSC (Combined Technical Services Examination) அறிவிப்பை வெளியிட்டுள்ளது.</p><p>இந்தத் தேர்வு மூலம் பல்வேறு துறைகளில் மொத்தம் 461 காலிப்பணியிடங்கள் நிரப்பப்பட உள்ளன. இதற்கான அதிகாரப்பூர்வ விண்ணப்பம் வெளியாகியுள்ளது.</p><p>கல்வித் தகுதி – விண்ணப்பதாரர்கள் பணியிடங்களுக்கு ஏற்ப பொறியியல், கலை மற்றும் அறிவியல் உள்ளிட்ட துறைகளில் பட்டப்படிப்பு அல்லது டிப்ளமோ படிப்பில் தேர்ச்சி பெற்றிருக்க வேண்டும்.</p><p>வயது வரம்பு – ஜூலை 1, 2026 தேதியின்படி குறைந்தபட்சம் 18 வயது முதல் அதிகபட்சம் 32 வயதிற்குள் இருக்க வேண்டும். பொதுப்பிரிவினருக்கு அதிகபட்ச வயது வரம்பு நிர்ணயிக்க ப்பட்டுள்ளது. ஓபிசி பிரிவினர்கள் 35 வயது வரையும், எஸ்சி / எஸ்டி பிரிவினர்கள் 37 வயது வரையும் விண்ணப்பிக்கலாம். </p><p>தேர்ந்தெடுக்கப்படும் முறை – விண்ணப்பதாரர்கள் எழுத்துத் தேர்வு, சான்றிதழ் சரிபார்ப்பு மற்றும் நேர்முகத் தேர்வு மூலம் தேர்வு செய்யப்படுவர். தேர்வு தமிழ் மற்றும் ஆங்கில மொழிகளில் நடைபெறும்.</p><p>விண்ணப்பக் கட்டணம் – விண்ணப்பக் கட்டணமாக ரூ.100 செலுத்த வேண்டும். எஸ்சி / எஸ்டி மற்றும் ஆதரவற்ற விதவைகளுக்கு கட்டண விலக்கு வழங்கப்பட்டுள்ளது. மேலும் TNPSC One Time Registration முறையில் பதிவு செய்திருக்க வேண்டும். விண்ணப்பிக்கும் முறை – இந்தப் பணியிட நிரப்புதல் குறித்த பாடவாரியான காலியிடங்களின் எண்ணிக்கை, தேர்விற்கான விண்ணப்பம், விரிவான பாடத்திட்டம், மதிப்பெண் விபரம் உள்ளிட்ட கூடுதல் விபரங்கள் அறிவிக்கையில் முழுமையாகத் தரப்பட்டுள்ளன. முழுமையான அறிவிக்கையைப் பெற https://www.tnpsc.gov.in/ என்ற இணையதளத்தைப் பார்வையிடலாம். விண்ணப்பிப்பதற்கான கடைசித் தேதி ஜூன் 25, 2026 ஆகும்.</p>