குரூப்-1 முதல்நிலைத் தேர்வு புதுக்கோட்டையில் 3,217 பேர் தேர்வு எழுதினர்

<p><strong>குரூப்-1 முதல்நிலைத் தேர்வு புதுக்கோட்டையில் 3,217 பேர் தேர்வு எழுதினர்</strong></p><p>புதுக்கோட்டை, செப். 27- தமிழ்நாடு அரசுப் பணியாளர் தேர்வாணையம் (TNPSC) சார்பில் நடத்தப்பட்ட குரூப்-1 முதல்நிலைத் தேர்வு புதுக்கோட்டை மாவட்டத்தில் 7 தேர்வு மையங்களில் நடைபெற்றது.</p><p>இத்தேர்வை எழுதுவதற்காக புதுக்கோட்டை மாவட்டத்தில் மொத்தம் 4,074 பேர் விண்ணப்பித்திருந்தனர். தேர்வு மையங்களுக்கு வந்த தேர்வர்கள், அனுமதிச் சீட்டு சரிபார்க்கப்பட்ட பின்னர் தேர்வு அறைக்குள் அனுமதிக்கப்பட்டனர். தேர்வு மையங்களில் தேர்வர்களுக்குத் தேவை</p><p>யான குடிநீர் உள்ளிட்ட அடிப்படை வசதிகள் செய்யப்பட்டிருந்தன. முறைகேடுகளைத் தடுக்கும் வகையில் தேர்வு மையங்கள் கண்காணிப்பு கேமராக்கள் மற்றும் பறக்கும் படையினர் மூலம் தீவிரமாகக் கண்காணிக்கப்பட்டன. மேலும், பாதுகாப்புப் பணியில் காவல்துறையினரும் ஈடுபடுத்தப்பட்டனர்.</p><p>புதுக்கோட்டை பிரகதாம்பாள் மேல்நிலைப் பள்ளியில் நடைபெற்ற குரூப்-1 முதல்நிலைத் தேர்வை மாவட்ட ஆட்சியர் மு. அருணா ஆய்வு செய்தார். மாவட்டம் முழுவதும் விண்ணப்பித்திருந்த 4,074 பேரில் 3,217 பேர் (78.96 சதவீதம்) தேர்வில் பங்கேற்றனர். 857 பேர் (21.04 சதவீதம்) தேர்வு எழுத வரவில்லை.</p>