மீன்வள பொறியியல் படிப்பு முடித்தவர்களையும் நியமிக்க டிஎன்பிஎஸ்சி முடிவு எடுக்க வேண்டும்

<p><strong>மீன்வள பொறியியல் படிப்பு முடித்தவர்களையும் நியமிக்க டிஎன்பிஎஸ்சி முடிவு எடுக்க வேண்டும்</strong></p><p>நாகப்பட்டினம், ஜூலை 17 - தமிழ்நாடு மீன்வள பல்கலை க்கழகத்தில் மீன்வளப் பொறியியல் படிப்பு ஆரம்பிக்கப்பட்டது முதல் இதுவரை 300-க்கும் மேற்பட்ட மாணவர்கள் படிப்பை முடித்துள்ளனர். </p><p> இவர்களுக்கு எந்தவித வேலை வாய்ப்பையும் இதுவரை பல்கலை க்கழகமும், அரசுப் பணியாளர் தேர்வாணையமும் முடிவு செய்ய வில்லை. </p><p>அதே நேரத்தில் தற்சமயம் தமிழ்நாடு அரசு பணியாளர் தேர்வு ஆணையம் அறிவிப்பு எண்.737/ 2026 நாள் 07.07.2026-இன்படி மீன்வள உதவி ஆய்வாளர் மற்றும் உதவி மேலாளர் பதவிக்கு ஆட்சேர்ப்பு நடவடிக்கை விளம்பரம் அளித்துள்ளது. </p><p>இதில் மீன்வள பொறியியல் முடித்த மாணவர்கள் சேர்க்கப்பட வில்லை. </p><p>இதுகுறித்து மீன்வள பொறியியல் முடித்த மாணவர்கள் தெரிவித்துள்ள கருத்தின்படி, மீன்வள பொறியியல் முடித்த மாண வர்களையும் மீன்வளம் தொடர் பான அனைத்து பதவிகளுக்கும் பரிந்துரைக்க தமிழக அரசு உட னடியாக நடவடிக்கை எடுக்க வேண்டும்.</p><p> கிட்டத்தட்ட 300 மாண வர்கள் மேற்கண்ட படிப்பை முடித்து எவ்வித வேலைவாய்ப்பும் இன்றி தவித்து வருகிறார்கள். </p><p>எனவே தமிழக அரசும், தமிழ்நாடு அரசுப் பணியாளர் தேர்வா ணையமும், மேற்கண்ட பணி யிடத்திற்கு மீன்வள பொறியியல் முடித்தவர்களும் விண்ணப்பிக்க நடவடிக்கை எடுக்க வேண்டும். இல்லையெனில் சம்பந்தப்பட்ட படிப்பை உடனடியாக பல்கலைக் கழகத்தில் தடை செய்ய வேண்டும். </p><p> ஏற்கெனவே கீதப்பிரியா என்ற மாணவி சென்னை உயர்நீதி மன்றத்தில் தொடுத்த வழக்கில், மீன்வள பொறியியல் படிப்பின் அவசியம் குறித்தும், அவர்களை டிஎன்பிஎஸ்சி தேர்வில் அனுமதிப்பது குறித்தும் சென்னை உயர்நீதிமன்றம் தீர்ப்பு வழங்கியுள்ளது. </p><p>அதனை ஆய்வு செய்து, உடனடியாக மேற்கண்ட விளம்பரத்தில் மீன்வள பொறியியல் முடித்த மாணவர்களை சேர்க்க உத்தரவிட வேண்டுமென மீன்வள பொறியியல் முடித்த முன்னாள் மாணவர்கள் எதிர்பார்க்கின்றனர். </p><p>இவர்களின் எதிர்பார்ப்பை அரசு நிறைவேற்ற வேண்டும். - நாகை அ.தி.அன்பழகன்</p>