தமிழ்நாடு நெடுஞ்சாலைத் துறை சாலைப் பணியாளர் சங்க மாநில செயற்குழு கூட்டம்

<p><strong>தமிழ்நாடு நெடுஞ்சாலைத் துறை சாலைப் பணியாளர் சங்க மாநில செயற்குழு கூட்டம்</strong></p><p>திருச்சிராப்பள்ளி: தமிழ்நாடு நெடுஞ்சாலைத் துறை சாலைப் பணியாளர் சங்கத்தின் மாநில செயற்குழு கூட்டம், திருச்சியில் நடைபெற்றது. இக்கூட்டத்திற்கு மாநிலத் தலைவர் பாலசுப்ர</p><p>மணியன் தலைமை வகித்தார். கோட்டத் தலைவர் ஜீவானந்தம் வரவேற்றார். மாநில பொதுச் செயலாளர் அம்சராஜ் வேலை அறிக்கையையும், மாநிலப் பொருளாளர் தமிழ் வரவு-செலவு அறிக்கையையும் சமர்ப்பித்தனர்.</p><p>​கூட்டத்தில் ​சென்னை உயர்நீதிமன்ற ஆணையின்படி, சாலைப் பணியாளர்களின் 41 மாத பணி நீக்கக் காலத்தைப் பணிக் காலமாக முறைப்படுத்த வேண்டும். இது தொடர்பாகச் சென்னை உயர்நீதிமன்றத்தில் தாக்கல் செய்யப்பட்டுள்ள மேல்</p><p>முறையீட்டு மனுவை அரசு உடனடியாகத் திரும்பப் பெற வேண்டும். </p><p>​மாநில நெடுஞ்சாலை ஆணையம் அமைக்கும் முடிவைக் கைவிட வேண்டும். நெடுஞ்சாலைப் பராமரிப்புப் பணிகளை அரசே </p><p>நேரடியாகச் செயல்படுத்த வேண்டும். கிராமப்புற இளைஞர்களைச் சாலைப் பணியாளர்களாகப் பணிநியமனம் செய்ய வேண்டும். ​பணியின் போது உயிர்நீத்த சாலைப் பணியாளர்களின் குடும்பத்தினருக்குக் கருணை அடிப்படையில் விரைந்து அரசுப் பணி வழங்க வேண்டும். தொழில்நுட்பக் கல்வித் திறன் பெறாதஊழியர்களுக்குரிய ஊதிய மாற்றமாக ரூ.5,200 - 20,200 மற்றும் தர ஊதியம் (Grade Pay) ரூ.1,900 வழங்க வேண்டும். </p><p>அக்.10 ஆம் தேதி திருச்சியில் நடைபெறவுள்ள மாநில மாநாட்டுப் பேரணி மற்றும் பொதுக் கூட்டத்தில் உறுப்பினர்கள் அனைவரும் உள்ளிட்ட தீர்மானங்கள் நிறைவேற்றப்பட்டன.</p><p>​இக்கூட்டத்தில் மாநிலத் துணைத் தலைவர்கள் பழனிச்சாமி, ஹரிபாலகிருஷ்ணன், மாநிலச் செயலாளர்கள் செந்தில்நாதன், மகாதேவன், திருப்பதிராஜா, பாஸ்கரன் உட்பட மாநில நிர்வாகிகள் கலந்து கொண்டனர். மாநிலத் துணைத் தலைவர் மகேந்திரன் நன்றி கூறினார்.</p>