10ஆம் வகுப்பு பொதுத்தேர்வு முடிவுகள் வெளியீடு: 94.31% மாணவர்கள் தேர்ச்சி!

<p>தமிழ்நாட்டில் 10ஆம் வகுப்பு பொதுத்தேர்வு முடிவுகள் இன்று வெளியிடப்பட்டன. இதில், 94.31 சதவீத மாணவர்கள் தேர்ச்சி பெற்றுள்ளனர். மாணவர்களின் தேர்ச்சி விகிதம் 92.15 சதவீதமாகவும், மாணவிகளின் தேர்ச்சி விகிதம் 96.47 சதவீதமாகவும் உள்ளது.</p><p>பாடவாரியாக, தமிழில் 34 பேரும், ஆங்கிலத்தில் 92 பேரும், கணிதத்தில் 3,194 பேரும், அறிவியலில் 10,476 பேரும், சமூக அறிவியலில் 3,336 பேரும் நூற்றுக்கு நூறு மதிப்பெண்கள் பெற்றுள்ளனர்.</p><p>10ஆம் வகுப்பு பொதுத்தேர்வில் அரசுப் பள்ளி மாணவர்களின் தேர்ச்சி விகிதம் 91.86 சதவீதமாக பதிவாகியுள்ளது. மேலும், தேர்வு எழுதிய 370 சிறைவாசிகளில் 354 பேர் தேர்ச்சி பெற்றுள்ளனர்.</p><p>பொதுத்தேர்வில் தேர்ச்சி பெறாத மாணவர்களுக்கான துணைத்தேர்வுகள் ஜூலை 8 முதல் 15 வரை நடைபெறும் என்றும், தேர்வெழுத விரும்பும் மாணவர்கள் மே 26 முதல் ஜூன் 9 வரை விண்ணப்பிக்கலாம் என்றும் பள்ளிக்கல்வித்துறை அறிவித்துள்ளது.</p><p><br></p>