சட்டத்தின் ஓட்டைகளை தேடும் குறுக்குவழி

<p><strong>சட்டத்தின் ஓட்டைகளை தேடும் குறுக்குவழி</strong></p><p>2026 மேற்கு வங்க சட்டமன்றத் தேர்தலில் சந்தித்த தோல்விக்குப் பிறகு, திரிணாமுல் காங்கி ரஸில் ஏற்பட்டுள்ள பிளவு, இந்திய அரசியலில் தார்மீக மதிப்பீடுகள் எந்த அளவுக்குச் சரிந்துள் ளன என்பதற்குப் புதியதொரு சான்றாக அமைந் திருக்கிறது. கட்சியின் 28 மக்களவை உறுப்பி னர்களில் 20 பேர், தங்களின் பதவியைத் தக்க வைத்துக் கொள்ளவும், கட்சித் தாவல் தடைச் சட்டத்திலிருந்து தப்பிக்கவும், ‘தேசியவாத குடி மக்கள் கட்சி’ என்ற பெயர் அறியப்படாத ஒரு சிறிய கட்சியுடன் இணைய முயலும் விதம், ஜனநாயக மரபுகளுக்குப் பெரும் சவாலாக மாறியுள்ளது.</p><p>கட்சித் தாவல் தடைச் சட்டத்தின் 10ஆவது அட்டவணை, தனிப்பட்ட எம்.பி.க்களின் இணைப்பை விட, அசல் அரசியல் கட்சியின் இணைப்பையே அங்கீகரிக்கிறது. ஆனால், இங்கோ ஒரு சிறிய கட்சியுடன் தங்களை இணைத்துக்கொண்டு, அதன் மூலம் பாஜக தலைமையிலான தேசிய ஜனநாயகக் கூட்ட ணியில் இணையத் துடிக்கும் இந்த நடவடிக்கை, சட்டத்தின் ஓட்டைகளைத் தேடும் குறுக்கு வழியே தவிர, ஜனநாயக அறம் சார்ந்த அரசியல் அல்ல.</p><p>திரிணாமுல் காங்கிரஸின் பொதுச்செயலா ளர் அபிஷேக் பானர்ஜி, உச்ச நீதிமன்றத்தின் 2023-ஆம் ஆண்டு தீர்ப்பைச் சுட்டிக்காட்டி, தமது கட்சி பிளவுபடவில்லை என்று மக்கள வைத் தலைவருக்கு கடிதம் எழுதியுள்ளார். அதிருப்தியாளர்கள் இணைய முயலும் அந்த ‘தேசியவாத குடிமக்கள் கட்சி’யின் நிலை மையோ மிகவும் கேலிக்கூத்தாக உள்ளது. தலை வரே ராஜினாமா செய்துவிட்டதாகக் கூறுவ தும், கட்சிக்குள் குழப்பம் நிலவுவதும், இந்த இணைப்பு வெறும் பதவிக்கான வெறி என்பதை அம்பலப்படுத்துகிறது.</p><p>“கட்சித் தாவல்களை நிராகரியுங்கள்” என்று பிரச்சாரம் செய்த ஒரு சிறிய கட்சி, இன்று அதே போன்ற பல கட்சித் தாவல் குற்றச்சாட்டு களைச் சுமக்கும் ஒரு குழுவை உள்வாங்குவது விசித்திரமானது. 2023 திரிபுரா தேர்தலில் ஒரு சிறிய செல்வாக்கைக் கூடப் பெறாத அக்கட்சி, இன்று திடீரென 20 எம்.பி.க்களை உள்வாங்கத் துடிப்பது, இது தனிப்பட்ட ஆதாயத்திற்காகத் திட்டமிடப்பட்ட ஒரு குதிரை பேரம் என்பதை உணர்த்துகிறது.</p><p>அரசியல் என்பது கொள்கைகளின் அடிப்ப டையில் இருக்க வேண்டும். ஆனால், இன்று துரதிர்ஷ்டவசமாக, அது அதிகார வேட்கையின் அடிப்படையில் மட்டுமே நகர்கிறது. புதுமை யான கண்டுபிடிப்புகள் போன்ற தொழில்நுட்ப முன்னேற்றங்களைப் பற்றிப் பேசும் அதே வேளையில், நம் அரசியல் களத்தில் மட்டும் பழைய காலத்து ‘ஆயா ராம், காயா ராம்’ அரசி யல் கலாச்சாரம் புதிய புதிய வடிவங்களில் தொ டர்வது வருத்தமளிக்கிறது. கட்சித் தாவல் தடைச் சட்டத்தின் மீதான இதுபோன்ற தாக்குதல்களை மக்களவைத் தலைவர் ஓம் பிர்லா எப்படி கையாளப் போகிறார் என்பது, நாடாளுமன்ற ஜனநாயகத்தின் எதிர்காலத்திற்கு ஒரு முக்கியமான பாடமாக அமையும்.</p>