கொடி காத்த தியாகி குமரன் பிறந்தநாள் விழா

<p><strong>கொடி காத்த தியாகி குமரன் பிறந்தநாள் விழா</strong></p><p>ஈரோடு, அக்.4-சுதந்திரப் போராட்ட வீரர், கொடிகாத்த தியாகி குமரனின் 123 வது பிறந்த தினத்தை முன்னிட்டு ஞாயிறன்று, சிவகிரியில் அமைந்துள்ள தியாகி குமரன் சிலைக்குமாலை அணிவித்து மரியாதை செலுத்தப்பட்டது.</p><p>மார்க்சிஸ்ட் கம்யூனிஸ்ட் கட்சியின் கொடுமுடி-மொடக்குறிச்சி தாலுகா கமிட்டி உறுப்பினர் கே.கணேசன், இந்திய கம்யூனிஸ்ட் கட்சியின் ஒன்றியச் செயலாளர் ஆர்.ரணதிவேல், திராவிட கழகத்தின் சண்முகம், சுதந்திர போராட்ட தியாகி குமரன் பேரவை சார்பில் செயல் தலைவர் துரைசாமி ஆகியோர் மாலை அணிவித்து மரியாதை செலுத்தினர். </p><p>இந்நிகழ்வில், சிபிஎம் மாவட்ட செயற்குழு உறுப்பினர் சி.முருகேசன், தாலுகா செயலாளர் எம்.சசி, கிளைச் செயலாளர் பெருமாள், சிபிஐ நகரச் செயலாளர் வேல்முருகன், திராவிடர் கழக ஒன்றியச் செயலாளர் திராவிடமணி உள்பட பலர் பங்கேற்றனர்.</p><p><br></p><p><strong>திருப்பூர்</strong></p><p>திருப்பூரிலுள்ள குமரன் நினைவு மண்டபத்தில், அவரது திருவுருவச் சிலைக்கு மாவட்ட ஆட்சியர் மனிஷ் நாரணவரே, மாலை அணிவித்து மலர்தூவிமரியாதை செய்தார். வருவாய் கோட்டாட்சியர் த.சிவபிரகாஷ், மாவட்ட செய்தி மக்கள் தொடர்பு அலுவலர் அ.சுகுமார் மற்றும் தியாகி குமரன் வாரிசுதாரர்கள் உடனிருந்தனர்.</p><p><br></p>