குரூப்-1 தேர்வு தூத்துக்குடியில் 79 சதவீதம் பேர் பங்கேற்பு

<p><strong>குரூப்-1 தேர்வு தூத்துக்குடியில் 79 சதவீதம் பேர் பங்கேற்பு</strong></p><p>தூத்துக்குடி, செப்.27-தூத்துக்குடி மாவட்டத்தில் குரூப்-1 தேர்வுக்காக மொத்தம் 5,143 தேர்வர்கள் விண்ணப்பித்திருந்தனர். 18 மையங்களில் 4,047 பேர் தேர்வை எழுதினர். 1,096 பேர் தேர்வில் பங்கேற்கவில்லை.</p><p>தூத்துக்குடி மாவட்டத்தில் மொத்தம் 79 சதவீதம் தேர்வர்கள் தேர்வை எழுதியுள்ளனர். 21 சதவீதம் பேர் தேர்வெழுத வரவில்லை.தேர்வு மையங்களுக்கு வந்த தேர்வர்கள் அனைவரும் காவல்துறையினர் மற்றும்கண்காணிப்பாளர்களின் கடும் சோதனைக்குப் பின்னரே தேர்வுக்கூடத்திற்குள் அனுமதிக்கப்பட்டனர்.</p><p>முன்னதாக அறிவிக்கப்பட்ட கட்டுப்பாடுகளின்படி, காலை சரியாக 8.59 மணிக்குத் தேர்வு மையங்களின் பிரதான நுழைவாயில் கதவுகள் பூட்டப்பட்டன. இதனால் தாமதமாக வந்த தேர்வர்கள் தேர்வு மையத்திற்குள் செல்ல அனுமதிக்கப்படாமல்மிகுந்த ஏமாற்றத்துடன் திரும்பிச் சென்றனர்.</p><p>தூத்துக்குடி மாநகராட்சிக்கு உட்பட்ட காரப்பேட்டை நாடார் மேல்நிலைப் பள்ளியில் நடைபெற்ற குரூப்-1முதல்நிலைத் தேர்வு மையத்தினை மாவட்ட ஆட்சியர் விஷு மகாஜன் நேரில் பார்வையிட்டு ஆய்வுமேற்கொண்டார். ஆய்வின் போது தேர்வு கண்காணிப்பாளர்கள், துறை சார்ந்த அலுவலர்கள் பலர் உடனிருந்தனர்.</p>