சொந்த ஊர்ல ஓட்டே இல்லையாம்... சட்டசபையில சீட் வேணுமாம்!

<p><strong>சொந்த ஊர்ல &nbsp;ஓட்டே இல்லையாம்... சட்டசபையில சீட் வேணுமாம்!&nbsp;</strong></p> <p>&ldquo;ஊருக்கே ஓட்டுப் போடச் சொல்லிப் பிரச்சாரம் பண்ணப் போறோம்... ஆனா நமக்கு ஒரு ஓட்டு கூட கிடையாது!&rdquo; - இது ஏதோ வடிவேலு பட காமெடி வசனம் அல்ல, கேரளத்தில் &lsquo;டுவென்டி-20&rsquo; (Twenty20) கட்சி வேட்பாளர்கள் நிஜமாகவே அரங்கேற்றியுள்ள &lsquo;லைவ்&rsquo; காமெடி. பாஜக தலைமையிலான தேசிய ஜனநாயகக் கூட்டணியில் அங்கம் வகிக்கும் இந்தக் கட்சி, கடந்த மார்ச் 18-ஆம் தேதி பெரும் ஆரவாரத்துடன் நடிகைகள் லட்சுமி பிரியா மற்றும் வீணா நாயர் ஆகியோரை வேட்பாளர்களாக அறிவித்தது. ஆனால், வேட்புமனுத் தாக்கல் செய்யப் போனபோதுதான், அவர்கள் இருவருமே இந்தியக் குடிமக்களாக வாக்காளர் பட்டியலில் &lsquo;இல்லவே இல்லை&rsquo; என்ற அதிர்ச்சித் தகவல் அம்பலமாகியுள்ளது! லிஸ்ட்லேயே இல்லாத வேட்பாளர்கள்! பெரும்பாவூர் தொகுதிக்கு லட்சுமி பிரியாவும், எட்டுமானூர் தொகுதிக்கு வீணா நாயரும் வேட்பாளர்களாக &lsquo;சீன்&rsquo; போட்டனர். மக்கள் பிரதிநிதித்துவச் சட்டப்படி, ஒரு வேட்பாளர் அந்த மாநிலத்தின் ஏதாவது ஒரு தொகுதியிலாவது வாக்காளராக இருக்க வேண்டும். ஆனால், இவர்கள் இருவரது பெயரும் வாக்காளர் பட்டியலிலேயே இல்லை. &ldquo;ஏங்க... உங்க பெயர் ஓட்டுப் பட்டியல்ல இருக்கான்னு கூடவா செக் பண்ண மாட்டீங்க?&rdquo; என்று கேட்டால், அதற்கு அவர்கள் சொன்ன காரணங்கள் அதைவிடப் பெரிய காமெடி: &nbsp;வீணா நாயர்: &ldquo;முகவரியை மாத்திட்டேன்... அதான் என் பெயர் காணாமப் போயிருக்கும் போல!&rdquo; (முகவரியை மாற்றினால் ஓட்டும் கூடவே வந்துவிடும் என்று நினைத்துவிட்டாரோ?) &nbsp;லட்சுமி பிரியா: &ldquo;முன்னாடி திருச்சூர்ல ஓட்டுப் போட்டேன்... இப்போ புதுப்பிக்கும்போது என் பெயரை யாரோ தூக்கிட்டாங்க!&rdquo; &nbsp;கடைசி நிமிடத் தவம்! வேட்புமனுத் தாக்கலுக்கு மார்ச் 23 கடைசி நாள். ஆனால் மார்ச் 22-ஆம் தேதி வரை, &ldquo;சார்... எப்படியாவது என் பெயரைச் சேர்த்துடுங்க சார்!&rdquo; என்று தேர்தல் அலுவலக வாசலில் தவம் கிடந்துள்ளனர். தேர்தல் அதிகாரிகளோ, &ldquo;மார்ச் 15-க்கு முன்னாடியே வந்திருந்தா &nbsp;பார்த்திருக்கலாம்... இப்போ போயிட்டு தேர்தல் முடிஞ்ச &nbsp;அப்புறம் வாங்க&rdquo; என்று &lsquo;நோ&rsquo; சொல்லி அனுப்பிவிட்டனர். அவசர அவசர &lsquo;ஜம்ப்&rsquo;! கடைசி நேரத்தில் மானத்தைக் காப்பாற்றிக் கொள்ள, எட்டுமானூர் தொகுதிக்கு இன்ஸ்டாகிராம் பிரபலம் ஆதிரா டி. நாயரையும், பெரும்பாவூர் தொகுதிக்குச் சமீபத்தில் காங்கிரஸிலிருந்து ஜம்ப் அடித்த ஜி.பி. வர்கீஸையும் அவசர அவசரமாகக் களமிறக்கியுள்ளார் கட்சித் தலைவர் சாபு ஜேக்கப். &ldquo;ஓட்டுப் போடத் தகுதியில்லாதவர்களையெல்லாம் வேட்பாளராக அறிவித்தது &lsquo;டுவென்டி-20&rsquo; கட்சி நிர்வாகம் செய்த &lsquo;அபாரமான&rsquo; சாதனை!&rdquo; என்று நெட்டிசன்கள் கலாய்த்து வருகின்றனர். - வி.கே.பாண்டியன்</p>