தீக்கதிர் முக்கிய செய்திகள்

<p><strong>சிபிஎம் மத்தியக்குழு உறுப்பினர் தாமஸ் ஐசக்</strong></p><p>நாட்டின் எரிசக்தி பாதுகாப்பு சிதைந்துவிட்டதாகப் பிரதமர் மோடி ஒப்புக்கொள்கிறார். நிச்சயமாக, எரிசக்தி சேமிப்பிற்காக நாடே ஒன்றிணையும். ஆனால் ஒரு விஷயத்திற்கு மோடி பதிலளிக்க வேண்டும். எண்ணெய் இருப்புத் திறனை 35% வரை முழுமையாக நிரப்பத் தவறியதன் மூலம் நாட்டிற்கு ஏன் துரோகம் இழைத்தீர்கள்? சமையல் எரிவாயுவின் நிலத்தடி சேமிப்பு டாங்கிகளை நீங்கள் எப்படி மறந்தீர்கள்?</p><p><strong>கர்நாடக முதலமைச்சர் சித்தராமையா</strong></p><p>கர்நாடக மாநில அரசு பள்ளி ஹிஜாப் தடையை ரத்து செய்தது யாரையும் திருப்திப்படுத்தவோ, புண்படுத்தவோ எடுக்கப்பட்ட முடிவு அல்ல. இது அனைத்து சாதி, மதங்களின் பழக்கவழக்கங்கள் மற்றும் மரபுகளை மதிக்கும் ஒரு ஆடை விதிமுறை தொடர்பானது. பாஜகவின் வெறுப்பு அரசியல் எந்த தாக்கத்தையும் ஏற்படுத்தப் போவதில்லை.</p><p><strong>திரிணாமுல் எம்.பி., மஹூவா மொய்த்ரா</strong></p><p>மேற்கு வங்கத்தின் ஒவ்வொரு வாக்குச்சாவடியிலும், உள்ளேயும் வெளியேயும் பொருத்தப்பட்டுள்ள சிசிடிவி கேமராக்களுக்காக குடிமக்களாகிய நாம்தான் பணம் செலுத்தினோம். இன்று, அந்த வீடியோ காட்சிகளைப் பார்க்க வேண்டும் என்று நாங்கள் கேட்கும்போது, சட்டபூர்வமான கோரிக்கைகளுக்குத் தேர்தல் ஆணையம் அமைதி காக்கிறது.</p><p><strong>அமைதி ஆர்வலர் டாக்டர் ராகி திரிபாதி</strong></p><p>நீட் தேர்வு ரத்தால் பாதிக்கப்பட்டது 22 லட்சம் மாணவர்கள் மட்டுமல்ல. தனது தோல்விகளை ஒப்புக்கொள்ள மறுக்கும் ஊழல் நிறைந்த, பொறுப்பற்ற ஒரு அமைப்பினால் பாதிக்கப்பட்டவர்கள் 22 லட்சம் குடும்பங்கள். இது மிகவும் வெட்கக்கேடானது.</p>