ஏஐ (AI) குமிழி: மீண்டும் ஒரு ‘டாட் காம்’ சரிவு காத்திருக்கிறதா? - பப்பா சின்ஹா

<p>2008-ஆம் ஆண்டு அமெரிக்கப் பொருளாதாரம் வீட்டுக்கடன் சந்தை சரிவால் (Housing collapse) பெரும் வீழ்ச்சியைச் சந்தித்தபோது, அதை முன்கூட்டியே கணித்தவர் முதலீட்டாளர் மைக்கேல் பர்ரி. &lsquo;தி பிக் ஷார்ட்&rsquo; படம் மூலம் பிரபலமான அவர், இப்போது செயற்கை நுண்ணறிவு (AI) துறையை உற்றுநோக்கி வருகிறார். அன்று எப்படிப் பொய்யான கணக்குகள் மற்றும் பலவீனமான கடன்கள் மூலம் சந்தை உப்ப வைக்கப்பட்டதோ, அதேபோன்றதொரு &lsquo;ஊக வணிக வெறி&rsquo; (Speculative excess) இன்று ஏஐ(AI) துறையிலும் நடப்பதாக அவர் எச்சரிக்கிறார். இது வெறும் மைக்கேல் பர்ரியின் தனிப்பட்ட கருத்து மட்டுமல்ல; ஒட்டுமொத்த தொழில்நுட்ப உலகமும் இந்தக் கேள்வியை எழுப்பத் தொடங்கியுள்ளது.&nbsp;</p> <p><strong>தொழில்நுட்பம் உண்மை; பொருளாதாரம் பொய்</strong></p> <p>முதலில் ஒன்றைப் புரிந்து கொள்ள வேண்டும். ஏஐ(AI) என்பது உண்மையான, மாற்றத்தைக் கொண்டுவரக்கூடிய தொழில்நுட்பம். கூகுளின் ஜெமினி 3.0 (Gemini 3.0) போன்ற மாடல்கள் மனித அறிவுக்கு இணையாகச் செயல்படுகின்றன. ஆனால் பிரச்சனை தொழில்நுட்பத்தில் இல்லை; அமெரிக்கா அதை முன்னெடுக்கும் நிதிசார் முறையில்தான் உள்ளது.</p> <p><strong>நான்கு ஆபத்தான தூண்கள்:</strong></p> <p><strong>இந்த ஏஐ (AI) குமிழி நான்கு பலவீனமான தூண்களின் மீது நிற்கிறது:&nbsp;</strong></p> <p>&nbsp;&nbsp; &nbsp;வருமானம் இல்லாத முதலீடு: மைக்ரோசாப்ட், அமேசான் போன்ற நிறுவனங்கள் 2028-க்குள் 3 லட்சம் கோடி டாலர்களை (3 Trillion Dollars) ஏஐ-க்காகச் செலவிடத் திட்டமிட்டுள்ளன. ஆனால், இந்தச் செலவை ஈடுகட்டும் அளவுக்கு வருமானம் வருமா என்பது கேள்விக்குறி. &nbsp;&nbsp;&nbsp; &nbsp;கணக்கு மோசடி: நிறு வனங்கள் தங்கள் சர்வர்களின் &lsquo;தேய்மானக் காலத்தை&rsquo; (Depreciation period) 4 ஆண்டு களிலிருந்து 7 ஆண்டுகளாகக் கணக்கில் மாற்றிக் காட்டு கின்றன. இதன் மூலம் செலவைக் குறைத்துக் காட்டி, காகிதத்தில் லாபத்தை அதிகப்படுத்துகின்றன. இது ஒரு கணக்கு கண் கட்டி வித்தை. &nbsp;&nbsp;&nbsp; &nbsp;சுழற்சி முறை மோசடி: என்விடியா (Nvidia) நிறுவனம் சிப்களை விற்கும். அதை வாங்கும் ஸ்டார்ட்-அப் நிறுவனங்களில் என்விடியாவே மீண்டும் முதலீடு செய்யும். இது ஒரு மூடிய வட்டம். பணம் உள்ளே புழங்குவது போலத் தெரியும், ஆனால் இது ஆரோக்கியமான தொழில் வளர்ச்சி அல்ல. &nbsp;&nbsp;&nbsp; &nbsp;கடன் சுமை: டேட்டா சென்டர்களைக் கட்ட நிறுவனங்கள் மறைமுக வழிகளில், அதிக வட்டிக்குக் கடன் வாங்குகின்றன. இது 2008-இல் வங்கிகள் செய்த தவறையே நினைவூட்டுகிறது.</p> <p><strong>அமெரிக்காவின் தோல்வியும் சீனாவின் வெற்றியும்&nbsp;</strong></p> <p>&nbsp;&nbsp; &nbsp;ஏஐ போட்டியில் அமெரிக்காவுக்கும் சீனாவுக்கும் உள்ள அணுகுமுறையில் பெரும் வித்தியாசம் உள்ளது.&nbsp;</p> <p>&nbsp;&nbsp; &nbsp;அமெரிக்கா: &lsquo;மனிதனை மிஞ்சும் அறிவு&rsquo; (AGI) என்ற மாயமானைத் துரத்துகிறது. இதற்காகப் பல்லாயிரம் கோடிகளைக் கொட்டி, ஏகபோகத்தை (Monopoly) உருவாக்க முயல்கிறது. ஆனால் அமெரிக்காவின் மின்சாரக் கட்டமைப்பு (Power Grid)&nbsp;<br /> இந்தத் தொழில்நுட்பத்தின் மின் தேவையைத் தாங்க முடியாமல் திணறுகிறது.&nbsp;</p> <p>&nbsp;&nbsp; &nbsp;சீனா: திறமையான, குறைந்த செலவிலான தொழில்நுட்பத்தில் கவனம் செலுத்துகிறது. &lsquo;டீப்சீக்&rsquo; (DeepSeek) போன்ற சீன மாடல்கள், அமெரிக்க மாடல்களை விட 10 மடங்கு குறைந்த செலவில் உருவாக்கப்படுகின்றன. சீனாவில் புதுப்பிக்கத்தக்க ஆற்றல் வளம் (Renewable energy) அதிகம் இருப்பதால், மின்சாரத் தேவையை அவர்களால் எளிதாகச் சமாளிக்க முடிகிறது.</p> <p>இதன் விளைவு? அமெரிக்காவின் முன்னணி முதலீட்டு நிறுவனமே, &ldquo;எங்களிடம் நிதி கேட்டு வரும் 80% புதிய நிறுவனங்கள் சீன ஓப்பன் சோர்ஸ் மாடல்களையே பயன்படுத்துகின்றன&rdquo; என்று ஒப்புக்கொள்ளும் நிலை உருவாகியுள்ளது.&nbsp;<br /> 1990-களில் இணையம் (Internet) வந்தபோது, &lsquo;டாட் காம்&rsquo; குமிழி உருவானது. இணையம் உண்மையானதுதான், ஆனால் அதைச் சுற்றியிருந்த நிதி ஊகங்கள் பொய்யானவை. அந்தக் குமிழி உடைந்தபோது கோடிக்கணக்கான டாலர் செல்வம் &ldquo;ஆவி&rdquo;யானது. இன்று ஏஐ துறையிலும் அதுவே நடக்கிறது.&nbsp;</p> <p>இது தொழில்நுட்பத்தின் மீதான தீர்ப்பு அல்ல; குறுகிய கால லாபத்தை மட்டுமே குறிக்கோளாகக் கொண்ட முதலாளித்துவப் பொருளாதார மாதிரியின் மீதான தீர்ப்பு. இந்தக் குமிழி உடையுமா என்பது கேள்வியல்ல; எப்போது உடையும் என்பதே கேள்வி. அது உடையும்போது, வங்கிகள், பென்ஷன் நிதிகள் மற்றும் சாமானிய உழைக்கும் மக்களே அதன் பாதிப்பைச் சுமக்க நேரிடும்.&nbsp;</p> <p><em><strong>பீப்பிள்ஸ் டெமாக்ரசி, நவ. 23&nbsp;<br /> - தமிழில் சுருக்கம் : ராஜூ பாய்</strong></em><br /> <br /> <br /> <br /> <br /> &nbsp;</p>