தாய்வழிச் சமூகம் வீழ்ந்த கதை

<p><strong>தாய்வழிச் சமூகம் வீழ்ந்த கதை</strong></p> <p>v&nbsp;&nbsp; &nbsp;உற்பத்தியும் ஆதிக்கமும்: தொடக்கக் காலத்தில் ஆணும் பெண்ணும் சமமாகவே உழைத்தனர். ஆனால், கால்நடை வளர்ப்பு, விவசாயம், கருவிகள் தயாரிப்பு என உழைப்புப் பிரிவினை ஏற்பட்டபோது, ஆண்கள் அந்தப் புதிய செல்வத்தின் உரிமையாளர்களாக மாறினர். இதுவே ஆணாதிக்கத்தின் தொடக்கப்புள்ளி.</p> <p>v தாய்வழிச் சமூகத்தின் அழிவு: பழைய காலத்தில் வாரிசுரிமை தாயின் வழியிலேயே இருந்தது. ஆனால், தந்தை சொத்துக்களைச் சேர்க்கத் தொடங்கியபோது, தனது சொத்து தனது குழந்தைகளுக்கே சேர வேண்டும் என விரும்பினான். இது தாய்வழிச் சமூக அமைப்பைச் சிதைத்தது.</p> <p>v&nbsp;&nbsp; &nbsp;தனியார் சொத்து : பெண்களின் அடிமைத்தனம்: தனியார் சொத்துரிமை நிலைநாட்டப்பட்டபோது, பெண்ணை அடிமைப்படுத்துவதும் பூர்த்தியானது. தாய்வழிச் சமூகம் &lsquo;பொதுவுடைமை மற்றும் சமத்துவத்தை&rsquo;க் குறித்தது; தந்தைவழிச் சமூகம் &lsquo;தனியார் சொத்து மற்றும் பெண்களின் அடிமைத்தனத்தை&rsquo;க் குறித்தது.</p> <p>v&nbsp;&nbsp; &nbsp;கற்பு எனும் விலங்கு: தனது சொத்துக்கு வாரிசாகப் பிறக்கும் குழந்தை &lsquo;நிச்சயமாகத் தனதுதான்&rsquo; என்பதை உறுதிப்படுத்த, ஆண் பெண்ணின் மீது &lsquo;கற்பு&rsquo; மற்றும் &lsquo;ஒரே கணவன்&rsquo; எனும் தடையை விதித்தான். ஆனால், தனக்கு மட்டும் பல பெண்களுடன் தொடர்பு வைத்துக்கொள்ளும் உரிமையை எடுத்துக்கொண்டான்.</p> <p>v&nbsp;&nbsp; &nbsp;பெண் ஒரு பண்டம்: விவிலியம் (Bible) போன்ற பழங்காலக் குறிப்புகளின்படி, அக்காலத்தில் பெண்கள் விலைக்கு வாங்கப்பட்டனர் அல்லது போரில் கடத்தி வரப்பட்டனர். அவர்கள் வெறும் வாரிசுகளைப் பெற்றுத் தரும் இயந்திரங்களாகவே கருதப்பட்டனர்.</p> <p>v&nbsp;&nbsp; &nbsp;வாரிசுரிமையில் பாகுபாடு: சொத்துக்களுக்காகப் பழைய திருமணச் சட்டங்கள் மாற்றப்பட்டன. யூதர்கள் மற்றும் ரோமானியர்களிடையே பெண் பிள்ளைகள் தந்தை வழிச் சொத்திலிருந்து முற்றிலுமாக விலக்கப்பட்டனர்.</p> <p>v&nbsp;&nbsp; &nbsp;சமயமும் பெண்ணடிமைத்தனமும்: மத நிறுவனங்கள் பெண்ணைச் சமூகத்தின் ஒரு அங்கமாகவே கருதவில்லை. உதாரணமாக, யூத மதச் சடங்குகளில் ஆண்கள் மட்டுமே கலந்துகொள்ள முடியும்; பெண்கள் வெறும் பார்வையாளர்களாகவே ஒதுக்கப்பட்டனர்.</p> <p>v&nbsp;&nbsp; &nbsp;அரசியல் அதிகாரம் பறிப்பு: தந்தைவழிச் சமூகம் வலுப்பெற்றவுடன், பெண்கள் சபைகளிலிருந்து (Councils) வெளியேற்றப்பட்டனர். முடிவெடுக்கும் அதிகாரத்தை அவர்கள் இழந்தனர்.</p> <p>v&nbsp;&nbsp; &nbsp;புனைவுகளும் அரசியலும்: ஏதென்ஸ் போன்ற நகரங்களில் பெண்கள் ஒரு காலத்தில் வாக்குரிமை பெற்றிருந்தனர். ஆனால், தந்தைவழிச் சமூக மாற்றத்தின்போது அந்த உரிமைகள் பறிக்கப்பட்டு, அவர்கள் &lsquo;அந்நியர்களாக&rsquo; மாற்றப்பட்ட கதைகளை கிரேக்கப் புராணங்கள் கூறுகின்றன.</p> <p>v&nbsp;&nbsp; &nbsp;முதல் பெரும் மாற்றம் : மனித வரலாற்றில் நிகழ்ந்த முதல் சமூக மாற்றம், தாய்வழிச் சமூகத்தைத் தந்தைவழிச் சமூகம் வீழ்த்தியதுதான். இது அதிகாரத்தையும் சொத்தையும் ஆண்களின் கையில் ஒப்படைத்தது. 1869ல் மார்க்சிய அறிஞர் ஆகஸ்ட் பெபல் (August Bebel) எழுதிய பெண்ணும் சோசலிசமும் (Woman and Socialism) எனும் நூலில் இருந்து...</p>