மக்களுக்குப் பாதிப்பில்லாத பகுதியில் சாயப் பட்டறைகளை அமைக்க அரசு நடவடிக்கை எடுக்க வேண்டும்

<p><strong>மக்களுக்குப் பாதிப்பில்லாத பகுதியில் &nbsp;சாயப் பட்டறைகளை அமைக்க &nbsp;அரசு நடவடிக்கை எடுக்க வேண்டும்</strong></p> <p>சிபிஎம் மாநிலச் செயலாளர் &nbsp;பெ. சண்முகம் &nbsp;வலியுறுத்தல் சேலம், டிச. 9- சேலம் மாநகரம், ஜாகீர் அம்மா பாளையம் பகுதியில், மேக்ன சைட் நிறுவனத்திற்குச் சொந்த மான 184.5 ஏக்கர் நிலத்தில், சுமார் ரூ.360 கோடி மதிப்பீட்டில் ஒருங்கிணைந்த ஜவுளிப் பூங்கா அமைக்கத் திட்டமிடப்பட்டுள்ளது. இந்த இடத்தில் யான் கலரிங் பார்க் &nbsp;பிரைவேட் லிமிடெட் என்ற நிறுவனம் 21 சாயப்பட்டறைகளை அமைக்க கட்டுமானப் பணிகள் &nbsp;துவங்கியுள்ளன. இதனால் நிலத்தடி &nbsp;நீர் மற்றும் சுற்றுச்சூழல் மாசு ஏற்ப டும் எனப் பொதுமக்கள் கடும் எதிர்ப்பு தெரிவித்து வருகின்றனர். இந்தப் பகுதியில் டிசம்பர் 9 &nbsp;செவ்வாயன்று நேரில் ஆய்வு செய்து பொதுமக்களின் கோரிக் கைகளைக் கேட்டறிந்த மார்க்சிஸ்ட் &nbsp;கம்யூனிஸ்ட் கட்சியின் மாநிலச் செய லாளர் பெ. சண்முகம் செய்தியாளர் களைச் சந்தித்துப்பேசியதாவது: சாயப்பட்டறை அமைப்பில் சுற்றுச்சூழல் அச்சம் சேலம் ஜாகீர் அம்மாப்பாளை யம் பகுதியில் சாயப்பட்டறைத் தொழிலுக்கான அரசின் அறிவிப்பு, &nbsp;அப்பகுதி மக்கள் மத்தியில் மிகப் பெரிய அச்சத்தை ஏற்படுத்தி யுள்ளது. மண்வளத்தையும் நீர்வளத்தையும் அழிக்கும் வகை யில் எந்தத் தொழிலும் வருவது &nbsp;தமிழக நலனுக்கு நல்லதல்ல. இத்தகைய சாயப்பட்டறைகள் இயங்க தினந்தோறும் சுமார் 2 &nbsp;லட்சம் லிட்டர் தண்ணீர் தேவைப் படும். இந்த நீர் எங்கிருந்து வரும் &nbsp;என அதிகாரிகள் சொல்ல மறுக் கிறார்கள். சம்பந்தப்பட்ட இடத்தில் ஏரி, ஆறு போன்ற எந்த நீர் ஆதாரமும் &nbsp;இல்லாத நிலையில், தினந்தோறும் 2 லட்சம் லிட்டர் நிலத்தடி நீரை &nbsp;எடுத்தால், இப்பகுதி முழுவதும் உள்ள நீர் ஆதாரம் உறிஞ்சப்பட்டு &nbsp;மக்களுக்குப் பாதிப்பு ஏற்படும் என்ற அச்சம் நியாயமானது. பூஜ்ஜி யம் டிகிரி மாசு (Zero Liquid Dis charge &ndash; ZLD) பூமிக்குள் செல்லாது என அரசு அதிகாரிகள் கூறுவதும் மக்களிடம் நம்பிக்கையை ஏற்படுத்த வில்லை. மக்கள் ஒத்துழைப்பும் &nbsp;மாற்றுத் திட்டமும் அவசியம் பொதுமக்களின் அச்சத்தைப் போக்குவது மாநில அரசின் கட மையாகும். மக்கள் எழுப்பும் சந்தே கங்களுக்கு மாநில அரசும், மாவட்ட நிர்வாகமும் உடனடி யாகத் தெளிவு அளிக்க வேண்டும். &nbsp;மக்கள் எதிர்ப்பை மீறித் திட்டத் தைச் செயல்படுத்துவது அரசுக்கு நல்ல பெயரைத் தராது. எனவே, தமிழக அரசு உடனடியாக இத் திட்டத்தை நிறுத்திவிட்டு, மக்க ளுக்குப் பாதிப்பு இல்லாத பகுதியில் &nbsp;சாயப்பட்டறைகளை அமைக்க வேறு இடத்தை தேர்வு செய்ய யோசிக்க வேண்டும். மேலும், கனிமவளம் மிக்க &nbsp;மேக்னசைட் பகுதியில் இத்திட்டத்தை &nbsp;அமைப்பது பொருத்தமானதா என அரசு பரிசீலனை செய்ய &nbsp;வேண்டும். மக்கள் ஒத்துழைப்பு டன் திட்டத்தை நிறைவேற்றினால் மட்டுமே அந்தத் திட்டம் வரவேற்பு பெறும். &nbsp;இவ்வாறு பெ. சண்முகம் வலியுறுத்தினார். ஆய்வின்போது சிபிஎம் மாநில &nbsp;செயற்குழு உறுப்பினர் செ. முத்துகண்ணன் உட்படப் பலரும் உடனிருந்தனர்.</p>