தவெக-வின் ‘பளபள’ பாச வலை!
17 Mar 2026, 3:26 pm
<p><strong>தவெக-வின் ‘பளபள’ பாச வலை!</strong></p>
<p>அரசியல் களத்தில் ’தளபதி’ யாக காலடி எடுத்து வைத்த கையோடு, வாக்காளர்களின் மனதை வெல்ல குறுக்கு வழியைப் பிடித்தி ருக்கிறாரா தமிழக வெற்றி கழகத் தலைவர் விஜய்? திருச்செங்கோட்டில் பிடிபட்டுள்ள சில்வர் பாத்திர மூட்டை கள், ”புதிய அரசியல்” பேசும் தவெக- வின் முகத்திரையை தொடக்கத்தி லேயே கிழித்து தொங்கவிட்டுள்ளது. திருச்செங்கோடு அருகே உள்ள வரகூராம்பட்டி அரசு அடுக்குமாடி குடி யிருப்பில், ஒரு வீட்டில் மட்டும் ஏதோ ‘பளபள’வென சத்தம் கேட்டுள்ளது. அரசு அங்கீகாரம் பெற்ற தையல் பயிற்சிப் பள்ளி செயல்படும் அந்த வீட்டில், துணிகளுக்குப் பதிலாக நான்கு ராட்சத மூட்டைகளில் சில்வர் பாத்தி ரங்கள் பதுக்கி வைக்கப்பட்டிருந்தது கண்டுபிடிக்கப்பட்டது. வெறுமனே பாத்திரங்கள் மட்டும் இருந்தால் பரவாயில்லை, அதில் தவெக தலைவர் விஜய் மற்றும் திருச்செங்கோடு தொகுதி வேட்பாளராகக் கருதப்படும் அருண்ராஜ் ஆகியோரின் திருமுகங் கள் அடங்கிய ஸ்டிக்கர்கள் ‘கெத்தாக’ ஒட்டப்பட்டிருந்தன. ”மாற்றம் கொண்டு வருவோம்” என்று மேடைக்கு மேடை முழங்கும் தவெக-வினர், அந்த மாற்றத்தை சில்வர் பாத்திரத்தின் மூலம் கொண்டு வர திட்டமிட்டிருந்ததுதான் இப்போ தைய ஹாட் டாபிக். ”வாக்காளர்க ளுக்கு தையல் சொல்லிக் கொடுக்க போகிறார்களா அல்லது பாத்திரங் களை உருட்டிப் போட போகிறார் களா?” என அங்கிருந்த மக்கள் முணு முணுத்ததை கேட்க முடிந்தது. பறக்கும் படை ’ரெய்டு’ - பதறிய நிர்வாகிகள்! தகவல் அறிந்து விரைந்து வந்த தேர்தல் பறக்கும் படையினர் சோதனை யிட்டதில், உள்ளே இருந்த சுமார் 250க்கும் மேற்பட்ட பாத்திரங்கள் ’வெயில்’ அடிக்கும் அளவுக்கு மின் னின. வருவாய் கோட்டாட்சியர் லெனின் மற்றும் தேர்தல் பறக்கும் படைத் தலை வர் நிஷாந்த் தலைமையிலான குழு வினர், அந்த நான்கு மூட்டைகளையும். காவல்துறையினர் உதவியுடன் பறி முதல் செய்தனர். இன்னும் எத்த னையோ வீடுகளில் இப்படி ’பளபளக் கும்’ பாசவலைகள் பின்னப்பட்டிருக்கி றதோ என்ற சந்தேகத்தில், ஊரக காவல் ஆய்வாளர் நாகலட்சுமி தலைமையி லான குழுவினர் தீவிர சோதனையில் ஈடுபட்டுள்ளனர். அரசியலுக்கு வந்தால் ’பழைய பாணியை’ ஒழிப்போம் என்று சொன்ன தவெக, இப்போது பழைய பாணியி லேயே பாத்திரங்களை இறக்கியுள்ளது அக்கட்சியின் தொண்டர்களே தர்ம சங்கடத்தில் நெளிகின்றனர். ”ஸ்கிரீ னில் மட்டும்தான் ஆக்ஷன் ஹீரோவா? அரசியலில் ’பாக்ஸ் ஆபிஸ்’ கலெ க்ஷன் செய்யப் பாத்திரங்களை நம்பி னால் எப்படி?” என இணையவாசிகள் இப்போதே கிண்டலடிக்க தொடங்கி விட்டனர். மொத்தத்தில், தவெக-வின் இந்த சில்வர் பாத்திர அரசியல், திருச் செங்கோடு வட்டாரத்தில் பெரும் பர பரப்பை ஏற்படுத்தியுள்ளது. (ந.நி)</p>