தமிமுன் அன்சாரி ஒரு உண்மையான களப்போராளி!

<p><strong>தமிமுன் அன்சாரி ஒரு உண்மையான களப்போராளி!</strong></p><p>கே.பாலகிருஷ்ணன் புகழாரம். சிதம்பரம் தொகுதியில் திமுக தலைமையிலான மதச்சார்பற்ற முற்போக்குக் கூட்டணி சார்பில் போட்டியிடும் மனிதநேய ஜனநாயகக் கட்சி வேட்பாளர் தமிமுன் அன்சாரி ஒரு சிறந்த களப்போராளி என்று மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன் தெரிவித்தார்.</p><p>வேட்பாளர் தமிமுன் அன்சாரிக்கு ஆதரவாக நடைபெற்ற தேர்தல் பிரச்சாரக் கூட்டத்தில் அவர் பேசியதாவது: பாஜகவை வீழ்த்த அமைக்கப்பட்டுள்ள மாபெரும் கூட்டணி அரசியல் ரீதியாக மிகப்பெரிய வெற்றியைப் பெறும். தமிழகத்தில் பாஜக காலூன்றவிடக் கூடாது என்பதற்காக திமுக தலைமையில் 21 கட்சிகள் ஒன்றிணைந்து மாபெரும் கூட்டணியை அமைத்துள்ளன.</p><p>இந்தத் தேர்தலில் திமுக கூட்டணி 200-க்கும் மேற்பட்ட தொகுதிகளில் வெற்றி பெறுவது உறுதி. அதில் ஒரு தொகுதியாக சிதம்பரம் இருக்க வேண்டும். மதவாத அரசியலுக்குச் சாட்டை அடி வேட்பாளர் தமிமுன் அன்சாரி மக்கள் நலனுக்காகத் தொடர்ந்து போராடி வருபவர்.</p>