மாநிலங்களவைத் தேர்தல் - தமிழ்நாட்டு வேட்பாளர்கள் வேட்புமனு தாக்கல்!

<p>மாநிலங்களவைத் தேர்தலையொட்டி, தமிழ்நாட்டில் இருந்து திமுக சார்பில் 4 பேரும், அதிமுக சார்பில் 2 பேரும் வேட்புமனு தாக்கல் செய்தனர்.<br /> வரும் ஏப்ரல் மாதம் தமிழ்நாடு உட்பட 10 மாநிலங்களை சேர்ந்த 37 மாநிலங்களவை உறுப்பினர்களின் பதவிக்காலம் நிறைவடைகிறது. தமிழ்நாட்டில் திருச்சி சிவா, கனிமொழி சோமு, என்.ஆர்.இளங்கோ, செல்வராஜ், ஜி.கே.வாசன், தம்பிதுரை ஆகிய 6 மாநிலங்களவை உறுப்பினர்களின் பதவிக்காலம் ஏப்.2-ஆம் தேதி நிறைவடைகிறது. இந்த நிலையில், இந்த இடங்களுக்கான தேர்தல் வரும் மார்ச் 16-ஆம் தேதி நடைபெறும் என தேர்தல் ஆணையம் அறிவித்திருந்தது.&nbsp;<br /> மாநிலங்களவைத் தேர்தலுக்கான வேட்புமனு தாக்கல் இன்றுடன் நிறைவடையும் நிலையில், திமுக-வில் இருந்து திருச்சி சிவா மற்றும் கான்ஸ்டன்டைன் ரவீந்திரன், காங்கிரஸில் இருந்து கிறிஸ்டோபர் திலக் மற்றும் தேமுதிக-வில் இருந்து எல்.கே.சுதீஷ் ஆகியோர் முதலமைச்சர் மு.க.ஸ்டாலின் முன்னிலையில் இன்று வேட்புமனு தாக்கல் செய்தனர்.<br /> அதேபோல், அதிமுக-வில் இருந்து எம்.தம்பிதுரை, பாமக-வில் இருந்து அன்புமணி ராமதாஸ் ஆகியோர் வேட்புமனு தாக்கல் செய்தனர்.<br /> இத்தேர்தலில் போட்டியிட பாமக நிறுவனர் ராமதாஸின் உதவியாளர் சுவாமிநாதன் சுயேச்சையாக வேட்புமனுத் தாக்கல் செய்தார். அதிமுக கூட்டணியில் ஒதுக்கப்பட்ட ஒரு மாநிலங்களவை இடத்தில் ஏற்கனவே அன்புமணி வேட்புமனு தாக்கல் செய்துள்ள நிலையில், பாமகவின் அதிகாரப்பூர்வ வேட்பாளர் நானே என சுவாமிநாதன் தெரிவித்துள்ளார்.<br /> மார்ச் 16-ஆம் தேதியன்று காலை 9 மணிக்கு தொடங்கி மாலை 4 மணி வரை தேர்தல் வாக்குப்பதிவு நடைபெறும் என்றும், அன்று மாலை முடிவுகள் அறிவிக்கப்படும் என தேர்தல் ஆணையம் தெரிவிக்கப்பட்டுள்ளது.</p>