தமிழகத்தில் ரூ. 18,600 கோடி முதலீடு எல்&டி நிறுவனத்துடன் அரசு புரிந்துணர்வு ஒப்பந்தம்

<p><strong>தமிழகத்தில் ரூ. 18,600 கோடி முதலீடு எல்&amp;டி நிறுவனத்துடன் அரசு புரிந்துணர்வு ஒப்பந்தம்</strong></p><p>சென்னை, ஜூன் 4 - தமிழகத்தில் ரூ. 18 ஆயிரத்து 600 கோடி மதிப்பீட்டில் சுமார் 8 ஆயிரத்து 200 நபர்களுக்கு வேலைவாய்ப்பு அளிக்கும் வகையில் மூன்று முக்கியத் திட்டங்களை செயல்படுத்த உள்ளதாக ‘லார்சன் அண்ட் டூப்ரோ’ நிறுவனம் அறிவித்துள்ளது. </p><p>தலைமைச் செயலகத்தில் முதலமைச்சர் விஜய் முன்னிலையில் இதற்கான புரிந்துணர்வு ஒப்பந்தம் கையெழுத்தானது. </p><p>தமிழக அரசு பொறுப்பேற்ற பின்னர் தொழில் துறையில் மேற்கொள்ளப்படும் முதல் புரிந்துணர்வு ஒப்பந்தம் இது என்பது குறிப்பிடத்தக்கது.</p><p> இந்த ஒப்பந்தத்தின் கீழ், காஞ்சிபுரம் மாவட்டத்தில் ரூ. 15,000 கோடி முதலீட்டில் தரவு மைய விரிவாக்கத் திட்டம் அமைக்கப்பட உள்ளது; இதன் மூலம் 500 பேருக்கு வேலைவாய்ப்பு கிடைக்கும். கோயம்புத்தூரில் ரூ. 2,500 கோடி முதலீட்டில் மின்னணுப் பொருட்கள் உற்பத்தித் திட்டம் தொடங்கப்பட உள்ளது; இதன் மூலம் 2,000 நபர்களுக்கு வேலைவாய்ப்பு உருவாகும். </p><p>திருவள்ளூர் மாவட்டம் காட்டுப்பள்ளி ‘எல் அண்ட் டி’ கப்பல் கட்டும்தளத்தை விரிவாக்கம் செய்ய ரூ. 1,100 கோடி முதலீடு செய்யப்பட உள்ளது; இதன் மூலம் சுமார் 5,700 பேருக்கு வேலைவாய்ப்பு கிடைக்கும் என்று கூறப்பட்டுள்ளது. </p><p>2036-ஆம் ஆண்டிற்குள் தமிழகப் பொருளாதாரத்தை 1.5 டிரில்லியன் டாலராக உயர்த்த வேண்டும் என்ற முதலமைச்சரின் இலக்கிற்கு இம்முதலீடுகள் முக்கிய மைல்கல்லாக அமையும் என்று தமிழக அரசு தெரிவித்துள்ளது. </p><p>இந்நிகழ்ச்சியில் தமிழக தொழில் துறை அமைச்சர் எஸ். கீர்த்தனா, தலைமைச் செயலாளர் சாய்குமார், தொழில் முதலீட்டு ஊக்குவிப்புத் துறை கூடுதல் தலைமைச் செயலாளர் விஜயகுமார், தமிழ்நாடு தொழில் வழிகாட்டி நிறுவனத்தின் செயல் இயக்குனர் அலர்மேல்மங்கை ஆகியோர் கலந்துகொண்டனர்.</p><p> ‘எல் அண்ட் டி’ நிறுவனத் தரப்பில் அதன் தலைவர் எஸ்.என். சுப்ரமணியன் மற்றும் முன்முயற்சிகள் மேம்பாட்டுப் பிரிவுத் தலைவர் கே.ஜி. சத்யநாராயணன் உள்ளிட்ட அரசு உயர் அதிகாரிகள் பலர் உடனிருந்தனர்.</p>