பொறியியல் படிப்புகளுக்கான கலந்தாய்வு தேதி அறிவிப்பு!

<p>தமிழ்நாட்டில் 2026–27 கல்வியாண்டிற்கான பொறியியல் படிப்புகளுக்கான கலந்தாய்வு ஜூலை 13ஆம் தேதி தொடங்கி ஆகஸ்ட் 30ஆம் தேதி வரை நடைபெறும் என்று உயர்கல்வித்துறை அமைச்சர் விஸ்வநாதன் அறிவித்தார்.</p><p>இன்று காலை செய்தியாளர்களைச் சந்தித்த அமைச்சர், பொறியியல் படிப்புகளுக்கான தரவரிசைப் பட்டியலை வெளியிட்டார். அதனைத் தொடர்ந்து கலந்தாய்வுக்கான முழு அட்டவணையையும் அறிவித்தார்.</p><p>அதன்படி, ஜூலை 13 முதல் ஜூலை 17 வரை மாற்றுத்திறனாளிகள் மற்றும் 7.5 சதவீத அரசு பள்ளி மாணவர் இடஒதுக்கீட்டின் கீழ் வரும் மாணவர்களுக்கான கலந்தாய்வு நடைபெறும்.</p><p>பொதுப்பிரிவினருக்கான ஆன்லைன் கலந்தாய்வு ஜூலை 20ஆம் தேதி தொடங்கி ஆகஸ்ட் 30ஆம் தேதி வரை நடைபெற உள்ளது.</p><p>பொறியியல் சேர்க்கைக்குத் தகுதி பெற்ற மாணவர்கள், அறிவிக்கப்பட்ட அட்டவணையின்படி ஆன்லைன் வாயிலாக கலந்தாய்வில் பங்கேற்கலாம்.</p>