தமிழ்நாடு என்றாலே சாதனை! சாதனை! சாதனை! - முதலமைச்சர் மு.க.ஸ்டாலின்

<p>முதல் மூன்றாண்டுகளில் அடித்தளம் அமைத்து, இப்போது தொடர்ந்து இரண்டாண்டுகளாக இரட்டை இலக்க வளர்ச்சி என்ற சாதனையை நிகழ்த்தியுள்ளோம் என்று முதலமைச்சர் மு.க.ஸ்டாலின் தெரிவித்துள்ளார்.</p><p>கடந்த 2024-25 நிதியாண்டில் 11.19% வளர்ச்சியைக் கண்ட நிலையில், தொடர்ச்சியாக 2ஆவது ஆண்டாக இரட்டை இலக்க பொருளாதார வளர்ச்சியை பதிவு செய்து 2025-26 நிதியாண்டில் 10.83% பொருளாதார வளர்ச்சியைப் பதிவு செய்து தமிழ்நாடு சாதனை படைத்துள்ளது. இந்த நிலையில் தமிழ்நாடு என்றாலே சாதனை என்று முதலமைச்சர் தெரிவித்துள்ளார்.</p><p>இது குறித்து அவர் தனது எக்ஸ் பதிவில் கூறியதாவது:</p><p>தமிழ்நாடு என்றாலே சாதனை! சாதனை! சாதனை! திராவிட மாடல் தனித்துவமான மாடல்! சொன்னதை, எண்களிலும் நிரூபித்துக் கொண்டிருக்கிறோம்!</p><p>முதல் மூன்றாண்டுகளில் அடித்தளம் அமைத்து, இப்போது தொடர்ந்து இரண்டாண்டுகளாக இரட்டை இலக்க வளர்ச்சி என்ற சாதனையை நிகழ்த்தியுள்ளோம். சிறப்பான நமது நிர்வாகத்திற்கு, உழைப்பால் துணை நின்ற தமிழ்நாட்டு மக்களுக்கு நன்றி!</p><p>இது தொடக்கம்தான். உங்கள் துணையோடு இன்னும் பல உயரங்களை அடைவது உறுதி! நம்முடைய போட்டி என்பது மற்ற இந்திய மாநிலங்களுடன் அல்ல; தெற்காசியாவில் முதன்மை மாநிலமாகத் தமிழ்நாடு உயர வேண்டும்!&quot; இவ்வாறு அவர் தெரிவித்துள்ளார்.</p><p><br></p>