புற்றுநோய் மருந்து 10 மடங்கு அதிக விலைக்கு விற்பனை - உச்ச நீதிமன்றம் கண்டனம்

<p>புற்றுநோய்க்கான மருந்து 10 மடங்கு அதிக விலைக்கு விற்கப்படுவதும் அப்பட்டமான பகல் கொள்ளை என்று உச்ச நீதிமன்றம் கண்டனம் தெரிவித்துள்ளது.</p><p>மருந்து நிறுவனங்கள், அத்தியாவசிய மருந்துகளுக்கு அதிக விலை நிர்ணயிப்பதை தடுக்க உத்தரவு பிறப்பிக்கக்கோரியும், விலை கட்டுப்பாட்டை கண்டிப்பாக உறுதி செய்து, மருந்து சில்லறை விற்பனையாளர்கள் கொள்ளை லாபம் ஈட்டுவதை தடுக்கக்கோரியும் உச்ச நீதிமன்றத்தில் மனுக்கள் தாக்கல் செய்யப்பட்டுள்ளன. </p><p>அதில், மூலக்கூறு மருந்துகளை பரிந்துரைக்காத மருத்துவர்கள் மீது ஒழுங்கு நடவடிக்கை எடுக்க கோரப்பட்டுள்ளது. இந்த மனுக்கள், உச்ச நீதிமன்ற நீதிபதிகள் விக்ரம் நாத், சந்தீப் மேத்தா ஆகியோர் அடங்கிய அமர்வு முன்பு விசாரணைக்கு வந்தது. </p><p>அப்போது, புற்றுநோய்க்கான அத்தியாவசிய மருந்து விற்பனையாளருக்கு ரூ.2,700-க்கு விற்கப்படுவதும், அதே மருந்து நோயாளிகளுக்கு அதிகபட்சமாக ரூ.27,000 என 10 மடங்கு அதிக விலைக்கு விற்கப்படுவதும் அப்பட்டமான பகல் கொள்ளை என்று உச்ச நீதிமன்றம் கண்டனம் தெரிவித்துள்ளது.</p><p>இது குறித்து முடிவெடுக்க வேண்டிய அதிகாரிகள் </p><p>முற்றிலும் மௌனமாக இருப்பது மிகவும் ஆச்சரியமளிக்கிறது என்று உச்ச நீதிமன்றம் அதிருப்தியை வெளிப்படுத்தியுள்ளது.</p>