திரைப்படங்களில் சப்டைட்டில், ஆடியோ விவரிப்பு கட்டாயம்

<p><strong>திரைப்படங்களில் சப்டைட்டில், ஆடியோ விவரிப்பு கட்டாயம்</strong></p> <p>மாற்றுத் திறனாளிகள் சங்க போராட்டத்திற்கு வெற்றி! சென்னை, மார்ச் 17 - திரைப்படங்களைக் காதுகேளாத மற்றும் &nbsp;பார்வை மாற்றுத்திறனாளிகள் எளிதில் புரிந்துகொள்ளும் வகையில், அனைத்துத் திரைப்படங்களிலும் சப்டைட்டில் மற்றும் ஆடியோ விவரிப்பு (Audio Description) வசதி கட்டாயம் இடம்பெற வேண்டும் என &nbsp;மத்திய தணிக்கை வாரியம் அறிவித்துள்ளது. &nbsp;இந்த வரலாற்றுச் சிறப்புமிக்க அறி விப்பைத் தமிழ்நாடு அனைத்துவகை மாற்றுத்திறனாளிகள் மற்றும் பாதுகாப்போர் உரிமைகளுக்கான சங்கம் (TARATDAC) உற்சாகமாக வரவேற்றுள்ளது. தடைகளற்ற பொழுதுபோக்கு: அரசாணை வெளியீடு இது தொடர்பாகச் சங்கத்தின் மாநிலத் தலைவர் தோ. வில்சன் மற்றும் மாநிலப் பொதுச் செயலாளர் பா. ஜான்சிராணி ஆகி யோர் விடுத்துள்ள அறிக்கையில், &ldquo;கடந்த இரண்டு ஆண்டுகளுக்கும் மேலாக மத்திய &nbsp;தணிக்கை வாரியத்திடம் சங்கம் முன்வைத்த கோரிக்கை தற்போது நிறைவேறியுள்ளது. &nbsp;2026 மார்ச் 15 முதல் வெளியாகும் அனைத்துத் திரைப்படங்களும் மாற்றுத் திற னாளிகள் அணுகத்தக்க வகையில் (Accessible) இருக்க வேண்டும் என்ற &nbsp;கட்டாய உத்தரவு, 2016-ஆம் ஆண்டு சட்டத்தின் &nbsp;அடிப்படையில் ஒரு &lsquo;தடைகளற்ற இந்தி யாவை&rsquo; உருவாக்கும் முயற்சியின் முக்கியப் பகுதியாகும்&rdquo; என்று தெரிவித்துள்ளனர். மேற்கத்திய நாடுகளுக்கு இணையான வசதி தேவை இந்த அறிவிப்புக்குப் பாராட்டுத் தெரி வித்த அதேவேளையில், அடுத்தகட்டமாக மேற்கத்திய நாடுகளில் உள்ளது போல், பார்வையாளர்கள் தங்களுக்கு விருப்பமான மொழியில் ஆடியோ விவரிப்பையும் சப்- டைட்டிலையும் தேர்ந்தெடுத்துக் கொள்ளும் &nbsp;தொழில்நுட்ப வசதியை இந்தியாவிலும் உருவாக்க வேண்டும் என்று சங்கம் வலி யுறுத்தியுள்ளது. பொழுதுபோக்கு என்பது அனை வருக்கும் பொதுவானது என்பதை உறுதிப் படுத்திய இந்த அறிவிப்பு, மாற்றுத் திறனாளி களிடையே பெரும் மகிழ்ச்சியை ஏற்படுத்தி யுள்ளது.</p>