மாடம்பாக்கம், செம்பாக்கம் ஏரிகளில் கழிவுநீர் கலப்பதை தடுக்க வேண்டும் சுற்றுச்சூழல் பாதுகாப்பு சங்கம் வலியுறுத்தல்

<p><strong>மாடம்பாக்கம், செம்பாக்கம் ஏரிகளில் கழிவுநீர் கலப்பதை தடுக்க வேண்டும் சுற்றுச்சூழல் பாதுகாப்பு சங்கம் வலியுறுத்தல்</strong></p><p>சென்னை, செப். 28 –மாடம்பாக்கம், செம்பாக்கம் ஏரிகளில் கழிவுநீர் கலப்பதை தடுக்க வேண்டும் என்று சுற்றுச் சுழல் விழிப்புணர்வு மற்றும் பாதுகாப்பு சங்கம் வலி யுறுத்திஉள்ளது.</p><p>சங்கத்தின் ஆண்டுப்பேரவை ஞாயிறன்று (செப்.28) குரோம்பேட்டை யில் நடை பெற்றது. இந்தப்பேரவையில், பள்ளிக்கரணை சதுப்பு நிலத்தை பாதுகாக்க வேண்டும். மாடம்பாக்கம், செம்பாக்கம் ஏரிகளில் கழிவுநீர் கலக்காமல் தடுக்க வேண்டும். நன்மங்க லம் ஏரியை பாதுகாக்க வேண்டும்.</p><p>தாம்பரம் மாநகராட்சி பகுதியில் குடிநீர் வினி யோகத்தை தனியாரிடம் கொடுப்பதை கைவிட்டு, மாநகராட்சி நிர்வாகமே முழுமையாக விநியோகம் செய்ய வேண்டும். பாதாள சாக்கடை திட்டத்தை துரித</p><p>மாக நிறைவேற்றவேண்டும்.</p><p>தொழிற்சாலைகள், வணிக, கல்வி நிறுவனங்கள் மற்றும் பொது இடங்களில் மழைநீர் சேகரிப்பு நிலை யங்களை அமைக்க வேண்டும். குடியிருப்பு பகுதிகளிலும் மழைநீர் சேகரிப்பு முறையை செயல்படுத்திட வேண்டும். ஏரிகள் குளம் உள்ளிட்ட நீர்நிலைகளை தூர்வாரி பராமறிக்க வேண்டும்.</p><p>பச்சமலை பகுதியில் இருந்து வரும் வரத்து கால்வாய்களை தூர்வாரி, மழை வெள்ளத்தை பள்ளிக் கரணை சதுப்பு நிலத்தில் கலக்க நடவடிக்கை எடுக்க வேண்டும், பெருங்க ளத்தூர் பகுதி ஏரி உள்ளிட்ட நீர்நிலைகளை தூர்வார வேண்டும் என்பன உள்ளிட்ட தீர்மானங்கள் நிறைவேற்றப்பட்டன.</p><p>ஆண்டுப் பேரவைக்கு சங்கத்தின் தலைவர் எஸ்.சுந்தரமூர்த்தி தலைமை தாங்கினார். அஞ்சலி தீர்மானத்தை துணைத் தலைவர் ஏ.ஜி. ஜெயவேலு வாசித்தார். துணைத் தலைவர் எம்.காதர் வரவேற்றார். ஆண்டு அறிக்கையை செயலாளர் எம். தங்கராஜ், வரவு செலவு அறிக்கையை பொரு</p><p>ளாளர் கே. பாஸ்கர் ஆகி யோர் சமர்ப்பித்தனர். சுற்றுச் சூழல் ஆர்வலர் டி.சுந்தர்ராஜன் நிறைவு ரையாற்றினார். துணைத் தலைவர் எஸ்.சுந்தர பாண்டியன் நன்றி கூறினார்.</p>