அறப்போராட்டத்தின் தீச்சுடர்: சோனம் வாங்சுக்!

<p><strong>அறப்போராட்டத்தின் தீச்சுடர்: சோனம் வாங்சுக்!</strong></p><p>எங்கோ இமயத்தின் உச்சியில் பனிப்பாறைகளைச் செதுக்கி நீரைப் பெருக்கிய மனிதர், இன்று தில்லியின் ஜந்தர் மந்தரில் தனது உயிரைச் செதுக்கிக் கொண்டிருக்கிறார். சோனம் வாங்சுக் வெறும் ஒரு மனிதர் அல்ல; நம் காலத்தின் தார்மீகக் குரல். ஆனால், பெரு நிறுவனங்களின் செய்திகளால் திணிக்கப் பட்ட ஊடகங்களுக்கு, இந்த அறப்போராட் டம் பெரிய செய்தியாகத் தெரியவில்லை. அதிகாரத்தின் சலசலப்பில் ஒரு ஏழையின் வலி மௌனிக்கப்படுகிறது. நாம் அதைக் கேட்க வேண்டிய தருணம் இது. </p><p><strong>நீட்: ஒரு சமூக அநீதியின் முகவரி </strong></p><p>நீட் (NEET) என்பது வெறும் தேர்வு அல்ல; அது ஏழை மாணவர்களின் கனவுகளைக் கருகச் செய்யும் ‘பணமுதலைகளின் வலை’. அரசுப் பள்ளியில் தமிழ் வழியில் பயின்ற மாணவர், கோடிகளில் கட்டணம் வசூலிக்கும் பயிற்சி மையங்களில் பயின்ற மாணவர்க ளோடு எப்படி சமமாகப் போட்டியிட முடியும்? ‘தகுதியுள்ளவர்களுக்கே இடம்’ என்ற அர சின் பிம்பம், மேனேஜ்மென்ட் கோட்டாவில் பணம் கொட்டி இடம்பிடிக்கும் எதார்த்தத்தால் உடைந்து போகிறது. தேர்வுப் பயத்தாலும் அழுத்தத்தாலும் கடந்த சில ஆண்டுகளில் நூற்றுக்கணக்கான மாணவர்கள் தற் கொலை செய்துகொண்டனர். சமீபத்திய நீட் வினாத்தாள் கசிவு, தேர்வு முறையின் நம்ப கத்தன்மையை முற்றிலுமாகச் சிதைத் துள்ளது. </p><p><strong>அதிகாரத்தின் மௌனமும் வரலாற்றுப் பாடங்களும்</strong> </p><p>சோனம் வாங்சுக் 20 நாட்களைக் கடந்து உண்ணாவிரதத்தில் இருக்கிறார். கல் வித்துறையில் பொறுப்புக்கூறல் வேண்டும் என்பதே அவரது கோரிக்கை. ஆனால், ஒன்றிய அரசு கள்ள மவுனம் காத்து, தற்போது அடக்குமுறையை ஏவியுள்ளது. அதிகாரத்தின் அகங்காரத்தில், மக்களின் உயிரைக் காட்டிலும் பதவிகள் மேலானதா கக் கருதப்படுகின்றன. வரலாறு என்பது உதிரத்தால் எழுதப்பட்ட எச்சரிக்கை. 1987-இல் திலீபன், 2000-ம் ஆண்டு முதல் 16 ஆண்டுகள் போராடிய இரோம் ஷர்மிளா, 1956-இல் தமிழகத்தின் பெயர் மாற்றத்திற்காக உயிர்துறந்த சங்கர லிங்கனார் எனத் தங்களை உருக்கித் தீர்த்தவர்களின் கதைகள் வெறும் சோக மல்ல; அதிகாரத்தின் ஆணவத்திற்கு முன் னால் மானுடம் எவ்வளவு வலிமையானது என்பதற்கான சாட்சியங்கள். </p><p><strong>நம் கடமை என்ன? </strong></p><p>சோனம் வாங்சுக்கின் போராட்டம் தனி மனிதனின் அறச்சீற்றமாக மட்டுமல்ல; அலைக்கடலைப் போலக் கொந்தளிக்க வேண்டும். இது இந்தியாவின் ஒவ்வொரு ஏழை மாணவரின் கல்வி உரிமைப் போராட்டம்.</p><p>வெறும் சமூக வலைதளப் பதிவுகள் போ தாது. ஜூலை 20 அன்று தில்லியில் நடைபெற விருக்கும் ‘நாடாளுமன்ற நோக்கிய பேரணி’ யில் மக்கள் பெருந்திரளாகக் கலந்து கொள்ள வேண்டும். நீட் தேர்வு ரத்து செய்யப் படும் வரை அல்லது முறையான சீர்திருத்தம் வரும் வரை, இந்த உணர்வை எரியவிட வேண்டும். </p><p>இனியும் வேடிக்கை பார்ப்பது அநீதிக்குத் துணை போவதற்குச் சமம். வாங்சுக்கின் உ ண்ணாவிரதம் வெறும் பசியல்ல; அது நம் குழந்தைகளின் எதிர்காலத்திற்கான விடியல். அந்த விடியல் மங்கிவிடாமல் காப்பது நம் ஒவ்வொருவரின் கடமை. அதி காரத்தின் ஆணவத்தை நம் ஒட்டுமொத்தக் குரலால் உடைப்போம்! வெற்றி நம் போராட்டத்தின் கையில்! சோனம் வாங்சுக் உண்ணாமல் இருக்கிறார்; அதிகாரம் அவரை உண்கிறது. நாம் திரள்வோம்! அநீதியை முறியடிப்போம்!</p>