தீக்கதிர் முக்கிய செய்திகள்

<p><strong>சிவசேனா (உத்தவ்) பொதுச் செயலாளர் ஆதித்யா தாக்கரே</strong></p> <p>பாஜக ஆட்சியில் சதுப்புநிலங்கள் - காடுகள் அழிப்பு, புதிய சுரங்கங்கள் தோண்டப்படுவது, குன்றுகள் இடிக்கப்படுவது போன்றவை தங்குதடையின்றி நடப்பதைக் காண்கிறோம். ஆனால், காற்று உள்ளிட்ட மாசுபாட்டைக் குறைக்க எந்த ஒரு நடவடிக்கையும் எடுக்கப்படுவதில்லை. நாட்டு மக்கள் மூச்சுத் திணறி வருகின்றனர்.</p> <p><strong>காங்கிரஸ் பொதுச் செயலாளர் பூபேஷ் பாகேல்</strong></p> <p>செயற்கை நுண்ணறிவு உச்சிமாநாட்டின் போது &lsquo;சட்டை அணியாமல்&rsquo; போராட்டம் நடத்தியதற்காக இளைஞர் காங்கிரஸ் தலைவர் உதய பானு சிங் கைது செய்யப்பட்டது சட்டவிரோதமானது. பிரதமர் மோடி இளைஞர்களைக் கண்டு பயப்படுகிறார் என்பது இந்த நடவடிக்கை மூலம் புரிகிறது.</p> <p><strong>இங்கிலாந்து முன்னாள் கிரிக்கெட் வீரர் மொயின் அலி</strong></p> <p>&lsquo;தி ஹண்ட்ரேட்&rsquo; கிரிக்கெட் தொடரில் இந்திய உரிமையாளர்களைக் கொண்ட அணிகளில் பாகிஸ்தான் வீரர்கள் இடம்பெற மாட்டார்கள் என்று கூறப்பட்டுள்ளது. இங்கிலாந்தில் இந்த பாகுபாட்டை அனுமதிக்கக் கூடாது. வீரர்கள் அனைவரும் இதற்கு எதிராகப் பேச வேண்டும்.</p> <p><strong>ஆம் ஆத்மி எம்.பி., ராகவ் சதா</strong></p> <p>போதிய ரீசார்ஜ் கட்டணம் இல்லாமல், அவுட்கோயிங் அழைப்புகளை நிறுத்துவது புரிந்துகொள்ளத்தக்கது. ஆனால், இன்கம்மிங் அழைப்புகளை நிறுத்துவது முற்றிலும் தவறானது, நியாயமற்றது. இதனால் ஏழைகள், முதியவர்கள் மற்றும் கிராமப்புற பயனர்கள் பெரிதும் பாதிக்கப்படுகின்றனர்.</p>