வாய்ப்பு வாசல் - அமர்த்தியா

<p><strong>வாய்ப்பு வாசல் - அமர்த்தியா </strong></p><p><strong>SBI வங்கியில் 1500 காலிப் பணியிடங்கள்</strong></p><p>State Bank of India (SBI)-யில் காலியாக உள்ள Probationary Officer (PO) பணியிடங்களை நிரப்பு வதற்கான அறிவிப்பு வெளியாகி யுள்ளது. இந்தத் தேர்வு மூலம் மொத்தம் 1500 காலிப்பணியிடங்கள் நிரப்பப்பட உள்ளன. இதற்கான விண்ணப்பம் வெளியிடப்பட்டுள்ளது. கல்வித் தகுதி – ஏதேனும் ஒரு துறையில் பட்டப்படிப்பு (Degree) முடித்திருக்க வேண்டும். இறுதியாண்டு படிக்கும் மாணவர்களும் நிபந்தனைகளுக்கு உட்பட்டு விண்ணப்பிக்கலாம். வயது வரம்பு – விண்ணப்பதாரர்கள் 21 வயது முதல் 30 வயது வரை இருக்க வேண்டும். ஓபிசி பிரிவினருக்கு 3 ஆண்டுகள், எஸ்சி, எஸ்டி பிரிவினருக்கு 5 ஆண்டு கள், மாற்றுத் திறனாளிகள் மற்றும் முன்னாள் ராணுவத்தினருக்கு அரசு விதிமுறைகளின்படி வயது தளர்வு வழங்கப்படும். தேர்ந்தெடுக்கப்படும் முறை – முதற்கட்டத் தேர்வு (Preliminary Exam), முதன்மைத் தேர்வு (Main Exam) மற்றும் நேர்முகத்தேர்வு (Interview) ஆகியவற்றின் மூலம் தேர்வு செய்யப்படுவர். விண்ணப்பக் கட்டணம் – பொதுப்பிரிவினர், ஓபிசி பிரிவி னருக்கு ரூ. 750. எஸ்சி, எஸ்டி பிரிவின ருக்கு விண்ணப்பக் கட்டணம் இல்லை. விண்ணப்பிக்கும் முறை – இந்தப் பணியிடங்களுக்கான பாடத்திட்டம், தேர்வு முறை, காலியிட விபரங்கள் மற்றும் பிற தக வல்கள் அதிகாரப்பூர்வ அறிவிப்பில் வழங்கப்பட்டுள்ளன. முழுமையான அறிவிப்பை பெற https://sbi.bank.in/web/careers இணையதளத்தைப் பார்வை யிடலாம். விண்ணப்பிப்பதற்கான கடைசித் தேதி ஜூலை 8, 2026 ஆகும்.</p><p><strong>ரயில்வேயில் 6565 பணியிடங்கள்</strong></p><p>இந்திய ரயில்வேயில் Technician Grade-I (Signal) மற்றும் Technician Grade-III ஆகிய பணியிடங்களை நிரப்புவதற்காக Railway Recruitment Board (RRB) தேர்வு நடைபெறவுள்ளது. இந்தத் தேர்வு மூலம் மொத்தம் 6565 காலிப்பணியிடங்கள் நிரப்பப்பட உள்ளன. இதற்கான அதிகாரப்பூர்வ விண்ணப்பம் வெளியாகியுள்ளது. கல்வித் தகுதி – Technician Grade-I (Signal) பணியிடங்களுக்கு B.E./B.Tech. அல்லது அதற்கு இணையான பொறியியல் பட்டப்படிப்பில் தேர்ச்சி பெற்றிருக்க வேண்டும். Technician Grade-III பணியிடங்களுக்கு 10-ஆம் வகுப்பு தேர்ச்சி மற்றும் ITI முடித்து சான்றிதழ் பெற்றிருக்க வேண்டும். வயது வரம்பு : Technician Grade-I (Signal) பணியிடங்களுக்கு குறைந்த பட்சம் 18 முதல் அதிக பட்சம் 33 வயது வரையிலும், Technician Grade-III பணி யிடங்களுக்கு 18 முதல் 30 வயது வரையிலும் விண்ணப்பிக்க லாம். ஓபிசி பிரிவினருக்கு 3 ஆண்டுகளும், எஸ்சி, எஸ்டி பிரிவினருக்கு 5 ஆண்டுகளும், அரசு விதிகளின்படி பிற பிரிவினருக்கும் வயது தளர்வு வழங்கப்படும். தேர்ந்தெடுக்கப்படும் முறை – விண்ணப்பதாரர்கள் கணினி வழித் தேர்வு (CBT), ஆவணச் சரிபார்ப்பு மற்றும் மருத்துவத் தகுதித் தேர்வு ஆகியவற்றின் மூலம் தேர்வு செய்யப்படுவர். விண்ணப்பக் கட்டணம் – பொதுப்பிரிவினர் மற்றும் ஓபிசி பிரிவினர்கள் ₹500 கட்டணம் செலுத்த வேண்டும். எஸ்சி, எஸ்டி, பெண்கள், முன்னாள் ராணுவத்தினர், மாற்றுத்திறனாளிகள் ஆகியோருக்கு கட்டணம் கிடையாது. . விண்ணப்பிக்கும் முறை – இந்தப் பணியிடங் களுக்கான காலியிடங்கள், தேர்வு முறை, பாடத்திட்டம் மற்றும் பிற விபரங்கள் அதிகாரப்பூர்வ அறிவிப்பில் வழங்கப் பட்டுள்ளன. முழுமையான அறிவிப்பை பெற https://www.rrbapply.gov.in/இணையதளத்தைப் பார்வை யிடலாம். விண்ணப்பிப்பதற்கான கடைசித் தேதி ஜூலை 29, 2026 ஆகும்.</p><p><strong>விளையாட்டு வீரரா?</strong></p><p>விளையாட்டில் பல்வேறு சாதனைகளைப் புரிந்தவராக நீங்கள் இருந்தால் வருமான வரித்துறையில் வேலைவாய்ப்பு வந்துள்ளது. ஒடிசா மாநிலம், புவனேஸ்வரில் உள்ள வருமான வரித்துறையில் விளையாட்டு ஒதுக்கீட்டின் (Sports Quota) கீழ் Stenographer Grade-II, Tax Assistant மற்றும் Multi Tasking Staff (MTS) பணியிடங்கள் நிரப்பப்படவுள்ளன. Stenographer Grade-II, Tax Assistant, Multi Tasking Staff (MTS)பணியிடங்களுக்கு 18 வயது முதல் 27 வயதிற்க்குள் இருக்க வேண்டும். Stenographer Grade-III மற்றும் Tax Assistant பணியிடங்களுக்கு ஏதேனும் ஒரு பட்டப்படிப்பு முடித்திருக்க வேண்டும். Multi Tasking Staff (MTS) பணியிடங்களுக்கு குறைந்த பட்சம் 10-ஆம் வகுப்பு தேர்ச்சி பெற்றிருக்க வேண்டும்.மேலும், அரசால் அங்கீகரிக்கப்பட்ட தேசிய அல்லது சர்வதேச விளையாட்டுப் போட்டிகளில் பங்கேற்று தகுதி பெற்றிருக்க வேண்டும். எந்தெந்த விளையாட்டுப் பிரிவுகளுக்கு காலியிடங்கள் உள்ளன என்பதும், விண்ணப்பிக்கும் முறையும் https://www.incometaxindia.gov.inஎன்ற இணையதளத்தில் தரப்பட்டுள்ளன<strong>. விண்ணப்பிக்கக் கடைசித் தேதி ஜூலை 31, 2026 ஆகும்.</strong></p>