ரோட்டரி சங்கம் குடிநீர் இயந்திரம் வழங்கல்

<p><strong>ரோட்டரி சங்கம் குடிநீர் இயந்திரம் வழங்கல் </strong></p><p>அறந்தாங்கி, செப் .26- புதுக்கோட்டை மாவட்டம் அறந்தாங்கி ஃபோர்ட் சிட்டி ரோட்டரி சங்கம் சார்பில், மாற்றுத்திறன் மாணவர்கள் மையத்திற்கு குடிநீர் சுத்திகரிப்பு இயந்திரம் வழங்கப்பட்டது. </p><p>இந்நிகழ்ச்சிக்கு ஃபோர்ட் சிட்டி ரோட்டரி சங்கத்தின் தலைவர் வழக்கறிஞர் தெய்வரெத்தினம் தலைமை வகித்தார். வட்டார வளமைய மேற்பார்வையாளர் ஸ்ரீ தேவி வரவேற்றார்.</p><p>சங்கத்தின் பொருளாளர் மருத்துவர் செல்வ செந்தமிழ் செல்வன், ஆர்ஆர்ஏ டெக்னாலஜி நிர்வாக இயக்குவர் ரியாஸ் அகமது ஆகியோர் முன்னிலையில் முன்னாள் மாவட்ட அரசு வழக்கறிஞர் பா.வெங்கடேசன் தனித்திறன் மாணவர்கள் மையத்திற்கு குடிநீர் சுத்திகரிப்பு இயந்திரம் வழங்கினார். </p><p>சங்கத்தின் செயலாளர் முனைவர் முபாரக் அலி, மாணவர்கள் அனைவருக்கும் பரிசுகளை வழங்கினார். மாணவர்களின் கலை நிகழ்ச்சி நடைபெற்றது. </p><p>முன்னாள் பொருளாளர் அப்துல் காதர், நகராட்சி பள்ளி துணை தலைமை ஆசிரியர் நிர்மல் சகில்தா, மையத்தின் பொறுப்பு ஆசிரியர் ரேவதி ஆகியோர் அனைவருக்கும் இனிப்புகள் வழங்கினர். </p><p>தனித்திறன் மாணவர்கள் மையத்தின் இயன்முறை மருத்துவர் சரவணன் நன்றி கூறினார்.</p>