சீருடைக்கான தொகையை வழங்கக்கோரி ரயில்வே தொழிலாளர்கள் ஆர்ப்பாட்டம்!

<p><strong>சீருடைக்கான தொகையை வழங்கக்கோரி ரயில்வே தொழிலாளர்கள் ஆர்ப்பாட்டம்!</strong></p><p>கிருஷ்ணகிரி, ஆக. 12-ரயில்வே தொழிலாளர்களுக்கும் டவர் டிரைவர்களுக்கும் சீருடைக்கான தொகையை உடனடியாக வழங்க வலி யுறுத்தி தெற்கு ரயில்வே சேலம் கோட்ட நிர்வாகத்தைக் கண்டித்து DREU - CITU சார்பில் சாமல்பட்டி ரயில் நிலையம் உள்ளிட்ட பல்வேறு இடங்களில் கண்டன ஆர்ப்பாட்டம் நடைபெற்றது.</p><p>ரயில்வே தொழிலாளர்களுக்குச் சீருடைக்கான தொகை வழங்குவதில் சேலம் கோட்ட நிர்வாகம் பாரபட்சம் காட்டுவதாகவும், டீசல் லோகோ ஷெட், எலக்ட்ரிக்கல் லோகோ ஷெட், TRD/OHE, PSI மற்றும் டவர் டிரைவர்களுக்கு 5 ஆண்டுகளாகச் சீருடைத் தொகையை வழங்காமல் வஞ்சிப்பதாகவும் குற்றம் சாட்டி இந்த ஆர்ப்பாட்டம் நடைபெற்றது. மேலும், தெற்கு ரயில்வே மற்றும் சேலம் கோட்ட நிர்வாகம் பாரபட்சமின்றி உடனடியாக அனைவருக்கும் சீருடைத் தொகையை வழங்க வேண்டும் என வலியுறுத்தப்பட்டது.</p><p>சாமல்பட்டி ரயில்வே நிலையம் மற்றும் இரண்டு ஷெட் கேட் முன்பாகவும், TRD/OHE அமைப்பின் அனைத்து டிப்போக்களிலும் இந்த ஆர்ப்பாட்டம் நடைபெற்றது.</p><p>நிகழ்வில், மண்டலச் செயலாளர் முத்துகிருஷ்ணன் கோரிக்கைகளை வலியுறுத்திச் சிறப்புரையாற்றினார். கிளைச் செயலாளர் ரவி மற்றும் துணைச் செயலாளர் சங்கர் ஆகியோர் தலைமை தாங்கினர். கிளைத் தலைவர் சிலம்பரசன், துணைச் செயலாளர் மதிவாணன், நிர்வாகிகள் ராதாகிருஷ்ணன், அருள், அசோக்குமார் உள்ளிட்ட ஏராளமானோர் கலந்து கொண்டனர்.</p>