சேலம் வடக்கில் ரா.ராஜேந்திரன் வாக்கு சேகரிப்பு

<p><strong>சேலம் வடக்கில் ரா.ராஜேந்திரன் வாக்கு சேகரிப்பு</strong></p><p>சேலம், ஏப். 10 - சேலம் வடக்குத் தொகுதி திமுக வேட்பாளரும், சுற்றுலாத்துறை அமைச்சருமான ரா.ராஜேந்திரன், காந்தி ஸ்டேடியம் மற்றும் அரசு கலைக் கல்லூரி மைதானத்தில் நடைப்பயிற்சி மேற்கொள்பவர்களிடம் வெள்ளியன்று தீவிர வாக்கு சேகரிப்பில் ஈடுபட்டார்.</p><p>அப்போது மக்களிடையே அவர் பேசுகையில், தமிழக அரசு இளைஞர் நலன் மற்றும் விளையாட்டு மேம்பாட்டுத் துறைக்கு அதிக முக்கியத்துவம் அளித்து வருகிறது. பொதுவாக இளைஞர்களின் ஆரோக்கியத்தை மேம்படுத்தும் நோக்கில் அஸ்தம்பட்டி முதல் மாடர்ன் தியேட்டர் வரை புதிதாக 8 கிலோமீட்டர் தூரத்திற்கு நடைப்பயிற்சி தளம் அமைக்கப்பட்டுள்ளது.</p><p>மாவட்டம் முழுவதும் தரமான மருத்துவ வசதிகள் மற்றும் உட்கட்டமைப்பு வசதிகளை தமிழக அரசு உறுதி செய்துள்ளது. மக்களுக்குத் தேவையான திட்டங்களை தொடர்ந்து சிறப்பாக செயல்படுத்த, உதயசூரியன் சின்னத்திற்கு வாக்களித்து திமுகவை மீண்டும் வெற்றிபெறச் செய்ய வேண்டும் என அவர் கேட்டுக்கொண்டார்.</p>