போதைப்பொருள் கலாச்சாரத்திற்கு எதிராக மாணவர்களின் பாடை ஊர்வலம்!

<p><strong>போதைப்பொருள் கலாச்சாரத்திற்கு எதிராக மாணவர்களின் பாடை ஊர்வலம்!</strong></p><p>புதுச்சேரி, ஜூன் 29 – புதுச்சேரி மாநிலத்தில் இளைஞர்களி டையே அதிகரித்து வரும் போதைப்பொருள் பயன்பாட்டைக் கண்டித்து, சமூக விழிப்புணர்வை ஏற்படுத்தும் வகையில் மருத்துவ மாணவர்கள் சவப்பாடை ஊர்வலத்தை எழுச்சியுடன் நடத்தினர். போதை கலாச்சாரத்திற்கு எதிர்ப்பு புதுச்சேரியில் நாளுக்கு நாள் போதைப்பொருட்களின் நடமாட்டம் அதிகரித்து வருவதாகவும், இதனை அரசு உரிய முறையில் கட்டுப்படுத்தவில்லை என்றும் சமூக ஆர்வலர்கள் குற்றம் சாட்டி வருகின்றனர். நடப்பு ஆண்டில் கலால் துறை ரூ.280 கோடிக்கும் மேல் போதைப்பொருள் விற்பனை இலக்கு நிர்ணயித்திருப்பதாகப் பரவலான பேச்சு எழுந்துள்ள நிலையில், இதனை எதிர்த்து மருத்துவ மாணவர்கள் இந்த விழிப்புணர்வுப் போராட்டத்தை முன்னெடுத்தனர். விழிப்புணர்வு ஊர்வலம்: புதுச்சேரி புதிய பேருந்து நிலையத்திலிருந்து தொடங்கிய இந்த ஊர்வலத்தில், போதைப்பழக்கத்திற்கு அடிமையானால் மரணம் மட்டுமே எஞ்சும் என்பதை உணர்த்தும் வகையில் மாணவர்கள் சவப்பாடையைத் சுமந்து வந்தனர். இந்த விழிப்புணர்வுச் செயலை மக்கள் மிகுந்த பொறுப்புணர்வோடும், அக்கறையோடும் கவனித்தனர். இந்நிகழ்ச்சியில் உருளையன்பேட்டை தொகுதி சட்டமன்ற உறுப்பினர் நேரு, சமூக நலத்துறை இயக்குநர் ராகினி மற்றும் அரசு அதிகாரிகள் உள்ளிட்ட பலர் கலந்துகொண்டு மாணவர்களுக்குத் தங்களது ஆதரவைத் தெரிவித்தனர். போதைப்பொருள் இல்லாத புதுச்சேரியை உருவாக்க வேண்டும் என்ற கோரிக்கையை இந்த ஊர்வலம் வலுவாக முன்வைத்தது.</p>