கிடாத்திருக்கையில் சேதமடைந்த அரசுப்பள்ளி கட்டிடம் சீரமைக்க பொதுமக்கள் கோரிக்கை

<p><strong>கிடாத்திருக்கையில் சேதமடைந்த &nbsp;அரசுப்பள்ளி கட்டிடம் &nbsp;சீரமைக்க பொதுமக்கள் கோரிக்கை</strong></p> <p>இராமநாதபுரம், டிச.5- &nbsp;இராமநாதபுரம் மாவட்டம் முதுகுளத்தூர் அருகே கிடாத்திருக்கை என்ற கிராமத்தில் அரசு உயர்நிலைப்பள்ளி செயல்பட்டு வருகிறது . இந்த பள்ளி வகுப்பறை கட்டிடம் கடந்த 2008 ஆம் ஆண்டு கட்டப்பட்டது. இப்பள்ளியில் கொண்டுலாவி, கிடாத்திருக்கை, ஏனாதி உள்ளிட்ட பகுதிகளைச் சேர்ந்த மாணவ,மாணவியர்கள் &nbsp;படித்து வருகின்றனர் . இங்குள்ள 9 ஆம் மற்றும் 10 ஆம் வகுப்பு அறையில் &nbsp;மழை நீர் ஒழுகி வகுப்பறைகளில் நீர் தேங்குவதால் &nbsp;மாணவர்கள் அவதிப்படுகின்றனர். &nbsp;சுவரில் கை வைத்தால் மின்சாரம் பாய்வதாக கூறப்படுகிறது. இதனால் மாணவ, மாணவிகளின் நலன் கருதி சமுதாயக்கூடத்தில் வைத்து வகுப்புகள் நடத்தப்பட்டு வருகின்றன. &nbsp;கணினிகள் அனைத்தும் நனைந்து சேதமடைந்துள்ளதால் தார்ப்பாய், பிளக்ஸ் பேனர்களைக் கொண்டு மூடி வைத்துள்ளனர். &nbsp;இந்த பள்ளியானது பத்தாம் வகுப்பு தேர்வில் தொடர்ந்து 100 சதவீதம் தேர்ச்சி பெற்று வருகிறது. &nbsp; எனவே பள்ளி மாணவ மாணவிகளின் நலன் கருதி கட்டிடத்தை சீரமைக்க வேண்டும். புதிய கட்டிடம் கட்டித் தர வேண்டும் என்று அப்பகுதி மக்கள் கோரிக்கை விடுத்துள்ளனர்.</p>