ரூ. 9 ஆயிரம் இபிஎஸ் ஓய்வூதியம் கேட்டு ஆர்ப்பாட்டம்
19 Nov 2025, 3:33 pm
<p><strong>ரூ. 9 ஆயிரம் இபிஎஸ் ஓய்வூதியம் கேட்டு ஆர்ப்பாட்டம்</strong></p>
<p>சென்னை, நவ. 19 - இபிஎஸ் ஓய்வூதியர்களுக்கு 9 ஆயிரம் ரூபாய் குறைந்தபட்ச ஓய்வூதியம் வழங்கக் கோரி, சென் னையில் தமிழ்நாடு இபிஎஸ்-95 ஓய்வூதியர்கள் நலச் சங்கங்களின் ஒருங்கிணைப்புக் குழு சார்பில் ஆர்ப்பாட்டம் நடைபெற்றது. இபிஎஸ்-95 ஓய்வூதியர்களுக்கு இஎஸ்ஐ திட்டத் தின் வாயிலாக மருத்துவ காப்பீடு வழங்க வேண்டும், உச்ச நீதிமன்ற தீர்ப்பின்படி, 1.9.2014 முன்பு, பின்பு ஓய்வுபெற்றவர்கள் என்ற பாகுபாடு இல்லாமல் தகுதியுள்ள அனைவருக்கும் முழு ஊதியத்திற்கான ஓய்வூதியத்தை வழங்க வேண்டும், 2014-இல் ஓய்வூதியத்தை குறைக்கும் வகையில் வெளியிடப்பட்ட அரசாணையை ரத்து செய்ய வேண்டும்; வருங்கால வைப்பு நிதியை பங்குச்சந்தை சூதாட்டத்தில் முதலீடு செய்யக் கூடாது, மூத்த குடிமக்களிடம் இருந்து பறிக்கப் பட்ட ரயில் கட்டணச் சலுகையை திரும்ப வழங்க வேண்டும் என்பன உள்ளிட்ட கோரிக்கைகளை வலியுறுத்தி இந்த ஆர்ப்பாட்டம் நடைபெற்றது. 4 ஓய்வூதியர் சங்கங்களை உள்ளடக்கிய ஒருங்கிணைப்புக்குழு இந்தப் போராட்டத்தை நடத்தியது. இதனைத் தொடர்ந்து ஆளுநர், பிரத மருக்கு அஞ்சல் மூலம் கோரிக்கை மனு அனுப்ப முடிவெடுக்கப்பட்டு உள்ளது. ஒருங்கிணைப்புக்குழு நிர்வாகி கே. கனகராஜ் தலைமையில் நடைபெற்ற இந்தப் போராட் டத்தை சென்னை இபிஎஸ் ஓய்வூதியர் நலச்சங்கத்தின் தலைவர் ஆர். கிருஷ்ணமூர்த்தி தொடங்கி வைத்தார். சிஐடியு மாநிலத் தலைவர் ஜி. சுகு மாறன் உள்ளிட்ட தொழிற்சங்கத் தலைவர்கள், இபிஎப் வாரிய முன்னாள் உறுப்பினர் பி.வி. இமயா கக்கன் உள்ளிட்டோர் பேசினர்.</p>