சட்டமன்றத் தேர்தல்களுக்குப் பிந்தைய சூழலும் பெரும் சவால்களும்

<p><strong>சட்டமன்றத் தேர்தல்களுக்குப் பிந்தைய சூழலும் பெரும் சவால்களும்</strong></p><p>ஐந்து மாநில சட்டமன்றங்களுக்கான தேர்தல் முடிவுகள் மே 4ஆம் தேதி அறிவிக்கப் பட்டன. இதன் விளைவுகள் மிகத் தொலை நோக்குடையவை. இயல்பாகவே, இந்தப் புதிய சூழலிலிருந்து எழும் சவால்களை - குறிப்பாக மதச் சார்பற்ற ஜனநாயகக் குடியரசின் எதிர்காலம் குறித்த சவால்களை - நாம் குறைத்து மதிப்பிடுவது நமக்குப் பெருமளவிற்கு ஆபத்தாக முடிந்திடும்.</p><p><strong>மோடியின் முஸ்தீபு</strong></p><p>பிரதமர் நரேந்திர மோடி, தனது கட்சி எட்டிய சாத னைகளைத் தனக்குச் சாதகமாகப் பயன்படுத்திக் கொள்வதில் மிகுந்த விரைவு காட்டியிருக்கிறார். தேர்தல் முடிவுகளைக் கொண்டாடும் வகையில் அவர் உடனடியாகப் பதிலளித்து, “இது வெறும் ஒரு தேர்தல் ரீதியான மாற்றம் மட்டுமல்ல; மக்களின் மன நிலையில் ஏற்பட்டுள்ள ஒரு மாற்றமும் கூட,” என்று குறிப்பிட்டிருக்கிறார். கேரளாவில் இடது ஜனநாயக முன்னணி அடைந்த தோல்வியும், மேற்கு வங்கத்தில் பாஜக முதன்முறையாக ஆட்சிப் பொறுப்பேற்றதும் (அங்கு இதற்கு முன் இடதுசாரிகள் தொடர்ந்து 34 நீண்ட ஆண்டுகள் ஆட்சி செலுத்தி வந்தனர்) அவரது இந்தக் கூற்றின் பிரிக்க முடியாத ஓர் அங்க மாக அமைகின்றன. அசாமில் பாரதிய ஜனதா கட்சியின் பலம் நூறு இடங்களைக் கடந்து, அதன் வெற்றியின் வீச்சு விரிவடைந்திருப்பது, அனேகமாக மேற்கூறிய நிகழ்வுகளுக்குச் சற்றும் குறைவில்லாத முக்கியத்துவம் வாய்ந்ததாகும்.</p><p><strong>காங்கிரசின் இழிவான அவதூறு</strong></p><p>கேரளாவில், 2021 சட்டமன்றத் தேர்தலில் மீண்டும் ஆட்சிக்கு வந்ததன் மூலம், இடது ஜனநாயக முன்னணி நினைத்துப்பார்க்க முடியாத ஒரு சாதனையை நிகழ்த்திக்காட்டியது. அரசியல் ரீதியாகத் துடிப்பு மிக்க இம்மாநிலத்தில் நிலவிவந்த பாரம்பரியமான வாக்குப்பதிவுப் போக்குகளிலிருந்து இது ஒரு பெரும் விலகலாக அமைந்தது. எனவே, மாநிலத்தின் முழு மையான வளர்ச்சியை முன்னிறுத்திய, மக்கள் நலன் சார்ந்த மிகச்சிறந்த நிர்வாகச் செயல்பாடுகள் இருந்த போதிலும், ஆட்சிக்கு எதிரான இயல்பான அதிருப்தி அலைகளும் (anti-incumbency), மாற்றத்தை விரும்பும் மனநிலையும் இறுதியில் மேலோங்கி நின்றன. எதிர்ப்பாளர்களின் சவாலை முறியடிக்க இடது சாரிகள் மேற்கொண்ட தீரமிக்க முயற்சிகள், குறுகிய அடையாள அரசியலை முன்னிறுத்தும் சக்திகளின் பிடி யிலிருந்து, மக்களைச் சார்ந்த கூடுதல் பிரிவினரைத் தங்கள் பக்கம் ஈர்ப்பதில் வெற்றிபெற இயலவில்லை. </p><p>அதேவேளையில், காங்கிரஸ் கட்சியின் அரசி யல் சந்தர்ப்பவாதமும் சற்றும் குறைந்ததல்ல. தனது குறுகிய தேர்தல் ஆதாயத்திற்காக, மார்க்சிஸ்ட் கம்யூனிஸ்ட் கட்சியும், பாஜக-வும் இணக்கத்துடன் செயல்பட்டுக்கொண்டிருப்பதாக இழிவானமுறையில் அவதூறு செய்துவந்தது. எனவே, கேரளாவில் இடது ஜனநாயக முன்னணி அடைந்த தோல்வியை மட்டுமே பெரிதுபடுத்திக் காட்டி, தேர்தல் முடிவுகளைத் தனக்குச் சாதகமாகத் திரித்து விளக்க மோடி முயன்று வருவதைப் போலன்றி, சங் பரிவாரத்தின் ‘சுயம் சேவக்’குகளும் சரி, காங்கிரஸ் கட்சியும் சரி—இந்தத் தேர்தல் பின்னடைவிலிருந்து மீண்டெழுந்து, மீண்டும் வலிமைபெறும் ஆற்றல் இடதுசாரிகளுக்கு உண்டு என்பதை விரைவில் உணர்ந்துகொள்வார்கள்.</p><p><strong>மதப்பிளவை பெரிதாக்கிய...</strong></p><p>மேற்கு வங்கத்தில், நிலைமை மிகவும் கொடூரமா னதாக இருந்தது. அரசியல் போக்கைக் கூர்மையாகக் கவனித்து வருபவர்களுக்கு, 1990களின் பிற்பகுதியில் காங்கிரசைப் பிளவுபடுத்தி, இடதுசாரிகளுக்கு எதி ரான ஒரு பரந்த எதிர்ப்புக் களமாக திரிணாமுல் காங்கிர ஸை முன்னிறுத்துவதற்காக ஆர்எஸ்எஸ்/இந்துத் துவா சக்திகள் ஆடிய கொடூரமான ஆட்டத்திற்கு கடந்த 15 ஆண்டு கால வரலாறு சாட்சியமாகும். கடந்த 15 ஆண்டுகளாக அதே திரிணாமுல் காங்கிரஸ் தலைமை யிலான அரசாங்கத்தின் மீது நிலவிய மிக வலுவான ஆட்சி எதிர்ப்பு அலை, இந்துத்துவா சக்திகளும் பாஜக வும் அதிகாரத்தைக் கைப்பற்றுவதற்கு ஒரு வளமான களத்தை உருவாக்கியது என்பதே மிகப்பெரிய முரண்பாடாகும். </p><p>எல்லை தாண்டிய ஊடுருவல் மற்றும் வங்கதே சத்திற்குள் ஏற்பட்ட நிகழ்வுகள் குறித்த கேள்விகளை அடிப்படையாகக் கொண்டு, மதவாதப் பிளவுகளை வலுப்படுத்தி, சிறுபான்மையினருக்கு எதிரான பெரும் அச்சத்தை அதிகரிப்பதற்காக ஒரு சக்திவாய்ந்த பிரச் சாரம் மேற்கொள்ளப்பட்டது. மதவாத சக்திகளைத் தெளிவாக ஊக்குவிப்பதன் மூலம் அரசியலில் மதத்தின் பங்கைச் சட்டப்பூர்வமாக்கும் திரிணாமுல் காங்கிரஸ் ஆட்சியின் தேர்தல் சந்தர்ப்பவாதத்தால் இது நிச்சயமாக வெற்றிபெற முடிந்தது. </p><p><strong>தேர்தல் ஆணையத்தால் 27 லட்சம் மக்கள் தத்தளிக்கும் நிலை</strong></p><p>ஆனால், இந்தியத் தேர்தல் ஆணையத்தின் பங்கு மற்றும் அதன் வெறுக்கத்தக்க வாக்காளர் பட்டியலில் சிறப்புத் தீவிர திருத்தம் குறித்து முறையான படிப்பி னைகள் கற்றுக்கொள்ளப்படாவிட்டால், மேற்கு வங்கத்தின் கதை முழுமையடையாது.</p><p>எந்தவித மறுப்புக்கும் இடமின்றி, வாக்காளர் பட்டியலில் சிறப்புத் தீவிர திருத்த நடைமுறையானது பாஜ-விற்குத் தேர்தல் ரீதியான ஆதாயங்களைப் பெற்றுத் தருவதைத் தாண்டி, பரந்த சமூக மற்றும் அடையாளம் சார்ந்த பிரச்சனைகள் தொடர்பாக அச்சு றுத்தும் வகையிலான கேள்விகளையும் கிளப்பி விட்டுள்ளது என்பது இப்போது மிகத் தெளிவாகத் தெரிகிறது. வாக்காளர் பட்டியலில் சிறப்புத் தீவிர திருத்த நடைமுறை, தகுதி நிர்ணயத்திற்கு அடிப்படை அளவு கோலாகக் கொள்ளப்பட்ட 2002-03ஆம் ஆண்டின் வாக்காளர் பட்டியல்களுடன் இணைக்கப்பட்ட 27 லட்சம் மக்கள், தற்போது எவ்விதமான உரிமை யுமின்றி ஒருவிதமான ‘இடைநிறுத்தப்பட்ட’ நிலையில் தத்தளித்து வருகின்றனர். சோதிக்கப்படாத ஒரு மென்பொருளின் பயன்பாட்டை மட்டுமே அடிப்ப டையாகக் கொண்டு, வாக்களிப்பதற்கான தங்கள் அரசமைப்புச்சட்ட உரிமை மறுக்கப்பட்ட நிலையில், அவர்கள் ‘நீதிமன்றத் தீர்ப்பை எதிர்பார்த்திருக்கும்’ ஒருவிதமான விசித்திர நிலை நீடிக்கிறது. </p><p><strong>தீர்ப்பாய நீதிபதி ராஜினாமா உணர்த்துவதென்ன?</strong></p><p>கொல்கத்தா உயர்நீதிமன்றத்தின் முன்னாள் தலைமை நீதிபதியுமான, நீதித்துறைத் தீர்ப்பா யத்தின் தலைவர், தேர்தல்கள் முடிந்த உடனேயே தனது பதவியை ராஜினாமா செய்தார். சுமார் 1,500 பெயர்கள் ஏறக்குறைய 100 சதவீதம் சரிபார்க்கப் பட்டிருந்த போதிலும், இந்தத் தீர்ப்பளிக்கும் நடை முறையை முழுமையாக நிறைவு செய்யக் குறைந்தது நான்கு ஆண்டுகளாவது ஆகும் என்று அவர் தனது ராஜினாமா கடிதத்தில் கடுமையாகச் சாடியிருந்தார். இத்தனை மக்களின் அரசமைப்புச்சட்ட உரிமையை மறுத்ததற்குத் தேர்தல் ஆணையமே முழுமையாகப் பொறுப்பு என்பதற்கு இதைவிட வேறு என்ன ஆதாரம் தேவை? இது குறைந்தபட்சம் அதன் திறமையின்மை யையும், அதிகபட்சம் அதன் உள்நோக்கத்தையும் தெளிவாகவே காட்டுகிறது.</p><p><strong>ஆழமான பிளவை ஏற்படுத்திய பாஜக</strong></p><p>அசாம் மாநிலத்தில் இனரீதியாகவும் மதரீதியா கவும் மிகவும் எளிதில் பாதிக்கப்படக்கூடிய நிலையில் உள்ள சூழலைப் பயன்படுத்திக்கொண்டு, ஆளும் முதலமைச்சர் ஹிமந்த பிஸ்வ சர்மா, ஆழமான பிளவை ஏற்படுத்தும் ஒரு தந்திரத்தைக் கையாண்டு, முன்னெப்போதும் இல்லாத அளவிற்கு மதரீதியான பிளவைத் தூண்டினார். இம்முயற்சி எத்தனை இழி வானதாகவும் அப்பட்டமானதாகவும் அமைந்திருந்த தென்றால், எந்தவொரு கட்சிசார்பும் அரசியல் சார்பும் இல்லாத பல அரசியலமைப்பு வல்லுநர்களும் முக்கியக் குடிமக்களும், இதனை மிகக் கடுமையான சொற்களால் பகிரங்கமாகக் கண்டிக்க வேண்டிய நிலைக்குத் தள்ளப்பட்டனர்.</p><p><strong>சரியான நேரத் தலையீடு</strong></p><p>தமிழ்நாட்டில் ஒரு வித்தியாசமான மாற்றம் ஏற்பட்டி ருக்கிறது. இரண்டு திராவிடக் கட்சிகளும் பேணிவந்த வழக்கமான அரசியல் கூட்டணியைக் கேள்விக்குட் படுத்தும் ஒரு புதிய சக்தி உருவாகி இருக்கிறது. மக்கள் ஆதரவு இருந்தபோதிலும், ஆர்எஸ்எஸ்/பாஜகவால் நியமிக்கப்பட்ட ஆளுநரால் ஆட்சிக்கு வர வாய்ப்பு மறுக்கப்பட்ட இந்தப் புதிய அரசாங்கம் எந்த அள விற்குச் செயல்படும் என்பதைப் பொறுத்திருந்துதான் பார்க்க வேண்டும். மார்க்சிஸ்ட் கம்யூனிஸ்ட் கட்சி மற்றும் இடதுசாரிகள் உள்ளிட்ட மதச்சார்பற்ற ஜன நாயக சக்திகளின் சரியான நேரத்திலான தலை யீட்டால்தான் இந்தக் குழப்பம் தடுத்து நிறுத்தப் பட்டது. அதேபோல், பாஜகவின் கூட்டணிக் கட்சியான அதிமுக, இந்த முழு செயல்முறையையும் கையாளுவ திலிருந்து புதிய அரசாங்கம் அமைக்கப்பட்டது பாதுகாக்கப்பட்டது.</p><p><strong>தீவிரமாகிடும் நவபாசிசச் செயல்பாடு</strong></p><p>கருத்தியல் மேலாதிக்கக் கோரிக்கைகள் எனும் வெளிப்பூச்சிற்குப் பின்னால் மறைந்துகொண்டு, தேர்தலுக்குப் பிந்தைய இச்சூழலைப் பயன் படுத்திக்கொண்டு, தனது நவ-பாசிச இலக்குகளை அடைவதற்காக மோடி அரசாங்கம் எவ்விதக் கட்டுப்பாடுகளுமின்றித் தீவிரமாகச் செயல்படும் என்பதில் எவ்வித ஐயமும் இல்லை. இந்தப் புதிய தாக்கு தலின் முழுச் சுமையையும் தொழிலாளர் வர்க்கமும், பிற உழைக்கும் பிரிவினரும் தான் தாங்கிக் கொள்ள நேரிடும் என்பதும் தெளிவாகிறது. புதிய தொழிலாளர் சட்டத் தொகுப்புகளின் அமலாக்கமும், விபி-ஜி-ராம்-ஜி (‘VBGRAMG’) திட்டத்தைச் செயல் படுத்தும் சாக்கில் மகாத்மா காந்தி தேசிய கிராமப்புற வேலைவாய்ப்புச் சட்டத்தின் கீழான திட்டத்தை ஒழித்துக்கட்டும் நடவடிக்கையும் இதற்குத் தெளிவான காட்சிகளாக அமைகின்றன.</p><p><strong>கேவல நகைச்சுவை</strong></p><p>மற்றொரு மிக முக்கியமான இருண்ட சூழல் என்ன வென்றால், இந்தியப் பொருளாதாரத்தின், குறிப்பாக எரிசக்திப் பாதுகாப்பின் நிலையற்றத் தன்மையை பிரதமரே ஒப்புக்கொண்டிருப்பதாகும். அவர்கள் இதனை ‘இடுப்பை இறுக்கிக்கட்டுங்கள்’ என்றும், ‘சிக்கன நடவடிக்கை’என்றும் பல்வேறு பெயர்களில் அழைக்கிறார்கள். பிரதமரின் தனிப்பட்ட வாழ்க்கை முறை மிகவும் ஆடம்பரமாக இருக்கும் நிலையில், இவர் சிக்கன நடவடிக்கை குறித்து பேசுவது, ஒரு கேவலமான நகைச்சுவையாகும். ஆயினும், தேர்தலு க்குப் பிந்தைய இந்தப் புதிய சூழல், சந்தேகத்திற்கு இடமின்றி ஒரு மிகத் தீவிரமான சவாலை முன் வைக்கிறது. நமது மக்களின் நலனையும், அரசமைப்புச்சட்டத்தையும் பாதுகாப்பதற்காக, பரந்த அளவிலான ஒற்றுமையை உருவாக்குவதிலும், மக்களின் வாழ்வாதாரத்தை மையப்படுத்தியும், மக்களை அணிதிரட்டி, வீதிகளில் இறங்கி போராடு வது தீவிரப்படுத்தப்படும்.</p>