மூக்கனூரிலிருந்து 200 மீட்டர் தள்ளி ரயில் நிலையம் அமைக்கக் கோரி மக்கள் ஆர்ப்பாட்டம்

<p><strong>மூக்கனூரிலிருந்து 200 மீட்டர் தள்ளி ரயில் நிலையம் அமைக்கக் கோரி மக்கள் ஆர்ப்பாட்டம்</strong></p> <p>தருமபுரி, டிச.31- மூக்கனூரிலிருந்து 200 மீட்டர் தள்ளி ரயில் நிலையம் அமைக்க வேண்டும் என வலியுறுத்தி அப்பகுதி பொதுமக்கள் &nbsp;புதனன்று கவனஈர்ப்பு ஆர்ப்பாட்டத்தில் ஈடுபட்டனர். தருமபுரி - மொரப்பூர் ரயில் பாதை திட்டம் கடந்த 70 &nbsp;ஆண்டுகளுக்கு மேலாக பயன்படுத்தப்படாமல் இருந்து &nbsp;வந்தது. பொதுமக்களின் நீண்ட நாள் கோரிக்கையை ஏற்று &nbsp;மீண்டும் தருமபுரி - மொரப்பூர் ரயில் திட்டப்பணிகள் தொடங் கப்பட்டது. இந்நிலையில், தருமபுரியை அடுத்த மூக்கனூர் கிராமத்தில் ரயில் நிலையம் அமைத்தால், சுமார் 250 வீடுகள் &nbsp;அகற்றப்பட்டு, வாழ்வாதாரம் பாதிக்கப்படும் என்று அப்பகுதி &nbsp;மக்கள் தெரிவித்துள்ளனர். 200 மீட்டர் தள்ளி ரயில் நிலையம் அமைத்தால் பெரிய பாதிப்பிலிருந்து எங்கள் வீடுகள் தப்பி விடும். எனவே, ரயில் நிலையத்தை சற்று தள்ளி அமைக்க &nbsp;வேண்டும் என கோரிக்கை விடுத்திருந்தனர். இந்நிலையில், இவர்களின் கோரிக்கையை ஏற்று கடந்த 2024 ஆம் ஆண்டு &nbsp;மாவட்ட நிர்வாகம், ரயில்வே நிர்வாகம் இணைந்து பொது &nbsp;மக்களுக்கு பாதிப்பில்லாத வண்ணம் ரயில் நிலையத்தை சற்று தள்ளி அமைக்க ஒப்புதல் தெரிவித்தது. ஆனால், ஒரு &nbsp;சில அரசியல் கட்சியினர், ரியல் எஸ்டேட் இடைத்தரகர்கள் சுய &nbsp;லாபத்திற்காக, சிலரை தூண்டி விட்டு பழைய இடத்தி லேயே ரயில் நிலையம் அமைக்க முயற்சி மேற்கொண்டு வரு கின்றனர். எனவே, ஒப்பந்தப்படி 200 மீட்டர் தள்ளி ரயில் &nbsp;நிலையம் அமைக்க வேண்டும் என வலியுறுத்தி அப்பகுதி யைச் சேர்ந்த சிலம்பரசன் என்பவர் தலைமையில் 250க்கும் &nbsp;மேற்பட்டோர் மாவட்ட ஆட்சியர் அலுவலகம் முன்பு புதனன்று &nbsp;கவனஈர்ப்பு ஆர்ப்பாட்டத்தில் ஈடுபட்டனர். கோரிக்கையை நிறைவேற்றாவிட்டால் தொடர் போராட்டம், சாலை மறியலில் &nbsp;ஈடுபடவுள்ளதாக பொதுமக்கள் தெரிவித்துள்ளனர்.</p>