போர்ப் பதற்றம் நீங்கி, உலகில் அமைதி நிலவ தஞ்சையில் அமைதிப் பேரணி

<p><strong>போர்ப் பதற்றம் நீங்கி, உலகில் அமைதி நிலவ &nbsp;தஞ்சையில் அமைதிப் பேரணி</strong></p> <p>தஞ்சாவூா், மார்ச் 22- &nbsp;தஞ்சையில், அருட்பெருஞ்ஜோதி அறக்கட்டளை வள்ளலார் பணியகம் சார்பில், போர் பதற்றம் நீங்கி உலகில் அமைதி நிலவ அமைதிப் பேரணி ஞாயிற்றுக்கிழமை நடைபெற்றது. &nbsp;வள்ளலார் பணியகம் தலைவர் சுந்தர்ராசன் தலைமை வகித்தார். வள்ளலார் அறக்கூழ்சாலை நடராசன் இறைவணக்கம் பாடினார். பேரணியை &nbsp;அருட்பெருஞ்ஜோதி அறக்கட்டளை சௌந்தர்ராஜன், மூர்த்தி ஆகியோர் தொடங்கி வைத்தனர். வள்ளலார் பணியகம் பொருளாளர் தியாகராஜன் அருட்சுடர் ஏந்தினார். இந்தப் பேரணி மேம்பாலத்தில் இருந்து புறப்பட்டு பல்வேறு இடங்களுக்குச் சென்று மீண்டும் அதே இடத்திற்கு வந்தடைந்தது. &nbsp;அப்போது ரஷ்யா - உக்ரைன் போர் மற்றும் ஈரான் - அமெரிக்கா, இஸ்ரேல் போர் முடிவுக்கு வந்து உலகில் அமைதி நிலவ வேண்டும். போர்ப் பதற்றம் நீங்கி எல்லா உயிர்களும் இன்புற்று வாழ வேண்டும் என வலியுறுத்தி வேண்டிக் கொள்ளப்பட்டது. இந்த பேரணியில் நிர்வாகிகள் மற்றும் பல்வேறு மாவட்ட சன்மார்க்க அன்பர்கள் கலந்து கொண்டனர்.</p>