அமைதி இது வெறும் கோரிக்கை அல்ல; மக்களின் பேராயுதம் - இது வெறும் கோரிக்கை அல்ல; மக்களின் பேராயுதம்

<p><strong>அமைதி&nbsp;&nbsp;இது வெறும் கோரிக்கை அல்ல; மக்களின் பேராயுதம்</strong></p> <p>கேள்வி: ஒரு புதிய உலகப் போர் தவிர்க்க முடியாதது என்று நீங்கள் கருதுகிறீர்களா? &nbsp; பதில்: இல்லை. குறைந்தபட்சம் தற்போதைய காலத்திலாவது அது தவிர்க்க முடியாதது என்று கருத முடியாது. &nbsp;நிச்சயமாக, அமெரிக்கா, பிரிட்டன் மற்றும் பிரான்ஸ் ஆகிய நாடுகளில் புதிய போருக்காகத் தவிக்கும் ஆக்கிரமிப்பு சக்திகள் இருக்கத்தான் செய்கின்றன. அசுர லாபங்களைப் பெறுவதற்கும், பிற நாடுகளைச் சுரண்டுவதற்கும் அவர்களுக்குப் போர் தேவைப்படுகிறது. போரை ஒரு வருமானப் பொருளாகக் கருதி, அதன் மூலம் பெரும் லாபம் ஈட்டும் பில்லியனர்களும் மில்லியனர்களும் இவர்களே. &nbsp;இந்த ஆக்கிரமிப்பு சக்திகள் பிற்போக்கு அரசாங்கங்களைக் கட்டுப்படுத்தி அவற்றை வழிநடத்துகின்றன. ஆனால் அதே சமயம், புதிய போரை விரும்பாத மற்றும் அமைதியை நிலைநாட்ட விரும்பும் தங்கள் நாட்டு மக்களைக் கண்டு அவர்கள் அஞ்சுகிறார்கள். எனவே, அந்தந்த நாட்டு மக்களைப் பொய்களால் குழப்பி, அவர்களை ஏமாற்றி, புதிய போரை ஒரு &lsquo;தற்காப்பு நடவடிக்கை&rsquo; போலவும், அமைதியை விரும்பும் நாடுகளின் கொள்கைகளை &lsquo;ஆக்கிரமிப்பு&rsquo; போலவும் சித்தரிக்க இந்த அரசு இயந்திரங்களைப் பயன்படுத்துகிறார்கள். தங்கள் ஆக்கிரமிப்புத் திட்டங்களை மக்கள் மீது திணிப்பதற்கும், அவர்களைப் போருக்குள் இழுப்பதற்கும் அவர்கள் மக்களை ஏமாற்ற முயல்கிறார்கள். &nbsp;சரியாகச் சொன்னால், இதனால்தான் அவர்கள் அமைதிப் பாதுகாப்புப் பிரச்சாரத்தைக் கண்டு அஞ்சுகிறார்கள்; இது பிற்போக்கு அரசாங்கங்களின் ஆக்கிரமிப்பு நோக்கங்களை அம்பலப்படுத்திவிடும் என்று அவர்கள் பயப்படுகிறார்கள். இதே காரணத்திற்காகத்தான், சோவியத் யூனியன் முன்வைத்த &lsquo;அமைதி ஒப்பந்தம்&rsquo;, &lsquo;ஆயுதக் குறைப்பு&rsquo; மற்றும் &lsquo;அணு ஆயுதத் தடை&rsquo; போன்ற முன்மொழிவுகளை அவர்கள் நிராகரித்தனர். இத்தகைய முன்மொழிவுகளை ஏற்றுக்கொள்வது பிற்போக்கு அரசாங்கங்களின் ஆக்கிரமிப்பு நடவடிக்கைகளைச் சீர்குலைக்கும் என்றும், ஆயுதப் போட்டியைத் தேவையற்றதாக ஆக்கிவிடும் என்றும் அவர்கள் அஞ்சினர். &nbsp;ஆக்கிரமிப்பு சக்திகளுக்கும் அமைதியை விரும்பும் சக்திகளுக்கும் இடையிலான இந்தப் போராட்டத்தின் முடிவு என்னவாகும்? &nbsp;மக்கள் அமைதியைக் காக்கும் விவகாரத்தைத் தங்கள் கைகளில் எடுத்துக்கொண்டு, இறுதிவரை அதற்காகப் போராடினால் மட்டுமே அமைதி பாதுகாக்கப்படும்; உறுதிப்படுத்தப்படும். போரைத் தூண்டுபவர்கள் பொதுமக்களைப் பொய்களால் சிக்க வைத்து, அவர்களை ஏமாற்றி, ஒரு புதிய உலகப் போருக்குள் இழுப்பதில் வெற்றி பெற்றால் மட்டுமே போர் தவிர்க்க முடியாததாகிவிடும். &nbsp;அதனால்தான், போரைத் தூண்டுபவர்களின் குற்றவியல் சூழ்ச்சிகளை அம்பலப்படுத்தும் ஒரு கருவியாக, அமைதியைப் பாதுகாப்பதற்கான விரிவான பிரச்சாரம் இப்போது முதன்மை முக்கியத்துவம் வாய்ந்தது (First-rate importance). &nbsp;சோவியத் யூனியனைப் பொறுத்தவரை, போரைத் தவிர்ப்பதற்கும் அமைதியைப் பேணுவதற்கும் அது தனது கொள்கையை எதிர்காலத்திலும் உறுதியுடன் தொடரும். &nbsp;ஆதாரம் : அமைதி சகவாழ்வுக்காக: போருக்குப் பிந்தைய நேர்காணல்கள் &nbsp;(International Publishers, New York, 1951) &nbsp;. &nbsp;தேதி: 1951 பிப்ரவரி 16</p>