காவல்துறையின் அத்துமீறலும் திக்கற்றவர்களின் கண்ணீரும்!

<p><strong>காவல்துறையின் அத்துமீறலும் திக்கற்றவர்களின் கண்ணீரும்!</strong> </p><p>குறைந்தபட்ச ஊதியம் கேட்டு நொய்டா தொழிலாளர் போராட்டத்தின்போது, 16 வயது சிறுவன் நிதின் (பெயர் மாற்றப்பட்டுள்ளது) சட்ட விரோதமாகக் கைது செய்யப்பட்டு, சுமார் இரண்டு மாதங்கள் பெரியவர்களுடன் சிறை யில் அடைக்கப்பட்டிருந்தது மனித உரிமைக ளின் உச்சக்கட்ட மீறலாகும். தனது வயது குறித்த சிறுவனின் கதறலைத் துச்சமென மதித்து, அவரை ஒரு குற்றவாளியாகச் சித்தரித்த உத்தரப் பிரதேச மாநில பாஜக அரசின் நொய்டா காவல் துறையின் செயல், சட்டம் யாருக்காக என்ற கேள்வியை மீண்டும் எழுப்பியுள்ளது. தகுந்த ஆதாரங்கள் இருந்தும், ஒரு சிறுவனை வயது வந்த கைதிகளுடன் அடைத்தது, இந்தியச் சட் டத்தின் அடிப்படை விழுமியங்களுக்கு எதிரானது. </p><p>இப்போது, தேசிய மனித உரிமைகள் ஆணை யத்தின் தலையீட்டிற்குப் பிறகு, காவல்துறையி னர் தங்கள் மீதான குற்றச்சாட்டுகளிலிருந்து தப்பிக்கப் பின்பற்றும் தந்திரங்கள் மிகவும் கண்டிக்கத்தக்கவை. அந்தச் சிறுவனை ‘மைனர்’ என்று ஏற்றுக்கொண்டு மன்னிப்பு கோருவ தற்குப் பதிலாக, அவரது அடையாளத்தையே மாற்றத் துடிக்கும் காவல்துறையின் முயற்சி, அப் பட்டமான அதிகார துஷ்பிரயோகம். ஒரு ஏழைத் தொழிலாளியின் குடும்பத்தை மிரட்டி, பொய்யான வீடியோ வாக்குமூலங்களைப் பெற முயற்சிப்பதும், ஆதாரமற்ற கதைகளைக் கட்ட மைப்பதும் காவல்துறையின் நம்பகத்தன்மை யைச் சிதைக்கின்றன.</p><p>பாஜக ஆளும் மாநிலங்களில், காவல்துறை யின் இத்தகைய அராஜகப் போக்கு என்பது தனிப் பட்ட விவகாரம் அல்ல; இது ஜனநாயக அமைப் பின் அடித்தளத்தையே அசைக்கும் செயலாகும். தங்களை விமர்சிக்கும் அல்லது தங்களின் அத்து மீறலை எதிர்க்கும் எவரையும் ஒடுக்கலாம் என்று கருதும் ஆணவத்தின் வெளிப்பாடு இது.</p><p>இந்த விவகாரத்தில், சம்பந்தப்பட்ட அதிகாரி கள் மீது கடுமையான துறைரீதியான மற்றும் சட்ட ரீதியான நடவடிக்கை எடுக்கப்பட வேண்டும். பாதிக்கப்பட்ட குடும்பத்திற்கு நீதி கிடைப்பது டன், இனிவரும் காலங்களில் இதுபோன்ற அத்து மீறல்கள் நடக்காமல் தடுக்கப்பட வேண்டும். அதி கார வர்க்கத்தின் இரும்புக்கரம் அப்பாவி மக் களை நசுக்குவதை இனியும் அனுமதிக்கக் கூடாது.</p><p>நீதியின் முன் அனைவரும் சமம் என்பதை நிரூபிக்க, இந்த வழக்கு ஒரு பாடமாக அமை யட்டும். சட்டத்தின் காவலர்களே சட்டத்தைத் திருத்த முற்படும்போது, ஜனநாயகம் எங்கே செல்லும்? அதிகார அமைப்புகள் தங்களின் அதி காரத்தைப் பல்லாகப் பயன்படுத்தாமல், நீதி காக்கும் கருவியாகச் செயல்பட வேண்டும் என்பதே ஒட்டுமொத்த மக்களின் எதிர்பார்ப்பு. ஊடகங்கள், நீதிமன்றங்கள் அவ்வப்போது சுட்டிக் காட்டியும் பாஜக ஆளும் மாநிலங்களில் மனித உரிமைகள் மதிக்கப்படுவதில்லை. எனவே இதற்கு எதிரான குரல் ஓங்கி ஒலிக்கப் பட வேண்டியது அவசியமாகும்.</p>