மக்களவை சபாநாயகர் ஓம் பிர்லாவுக்கு எதிராக நம்பிக்கையில்லா தீர்மானம்

<p>மக்களவை சபாநாயகர் ஓம் பிர்லாவுக்கு எதிராக நம்பிக்கையில்லா தீர்மானம் கொண்டுவர எதிர்க்கட்சி எம்.பி-க்கள் முடிவெடுத்துள்ளனர்.<br /> குடியரசுத் தலைவர் உரைக்கு நன்றி தெரிவிக்கும் தீர்மானத்துக்கு பிரதமர் மோடி கடந்த பிப்.4-ஆம் தேதி மாலை 5 மணிக்கு பதிலளிப்பார் என்று தெரிவிக்கப்பட்டிருந்தது. ஆனால், மக்களவை எதிர்க்கட்சித் தலைவர் ராகுல் காந்தியை பேச அனுமதிக் காததுடன், சு. வெங்கடேசன் உட்பட 8 எம்.பி.க்கள் இடைநீக்கம் செய்யப்பட்டதற்கு எதிர்ப்பு தெரிவித்து &lsquo;இந்தியா&rsquo; கூட்டணி எம்.பி.க்கள் நடத்திய போராட்டம் காரணமாக, பிரதமர் மோடி மக்களவையிலிருந்து வெளியேறினார். எனினும் அவர் பிப்.5-ஆம் தேதி பதிலளிப்பார் என எதிர்பார்க்கப்பட்டது. ஆனால், பிரதமர் மோடி மக்களவைக்கு வரவில்லை. இது பற்றி கேள்வி எழுப்பிய எதிர்க்கட்சித் தலைவர் ராகுல் காந்தி, &ldquo;பதில் சொல்வதற்குப் பயந்து தான், பிரதமர் மோடி அவைக்கு வருவதைத் தவிர்த்து விட்டார்!&rdquo; என குற்றம் சாட்டினார். அதற்குப் பதிலளித்த மக்களவை சபாநாயகர் ஓம் பிர்லா, &ldquo;பிரதமர் மோடியை அவைக்கு வர வேண்டாம் என்று நான்தான் கூறினேன்&rdquo; என்று தெரிவித்தார். மேலும், &lsquo;&rdquo;பிரதமர் பதில் சொல்லும்போது அவரது இருக்கை அருகில் விரும்பத்தகாத செயலில் ஈடுபட காங்கிரஸ் எம்.பி.க்கள் திட்டமிட்டிருந்தனர். எதிர்க்கட்சிகளின் செயலை தவிர்க்கவே, நான் பிரதமரை அவைக்கு வர வேண்டாம் என கேட்டுக்கொண்டேன். எஸ்.ஜோதி மணி, ஆர்.சுதா உள்ளிட்ட 6 காங்கிரஸ் பெண் எம்.பி.க்கள் பிரதமரை முற்றுகையிட திட்டமிட்டிருந்தனர்&rdquo; என்று கூறி சர்ச்சையை ஏற்படுத்தினார்.<br /> சபாநாயகரின் பேச்சுக்கு &lsquo;இந்தியா&rsquo; கூட்டணி தலைவர்கள் கண்டனம் தெரிவித்தனர். இந்தியா - அமெரிக்கா வர்த்தக ஒப்பந்தம், சீன விவகாரம் குறித்து நரவனே-யின் புத்தக வாக்குமூலம் ஆகியவற்றை திசைத்திருப்பவே சபாநாயகர் இவ்வாறு சர்ச்சையைக் கிளப்புவதாக குற்றம் சாட்டினர்.&nbsp;<br /> காங்கிரஸ் கட்சி தலைவர் மல்லிகர்ஜூன் கார்கே, மக்களவை எதிர்க்கட்சி தலைவர் ராகுல் காந்தி தலைமையில் இந்தியா கூட்டணியின் நாடாளுமன்ற கட்சி தலைவர்கள்களின் ஆலோசனை கூட்டம் நடைபெற்றது.&nbsp;<br /> அப்போது, எதிர்க்கட்சிகளைப் பேச விடாமல் தடுப்பது, பிரதமரை எதிர்க்கட்சியினர் தாக்க திட்டமிட்டதாக குற்றம்சாட்டியது உள்ளிட்ட செயல்களுக்கு கடும் எதிர்ப்பு தெரிவித்து மக்களவை சபாநாயகர் ஓம் பிர்லாவுக்கு எதிராக நம்பிக்கையில்லா தீர்மானம் கொண்டுவர எதிர்க்கட்சியினர் முடிவெடுத்துள்ளனர்.<br /> &nbsp;</p>