விளையாட்டு

<p><strong>நெருங்கும் உலகக்கோப்பை கால்பந்து துரத்தும் காயம் : நெய்மர் களமிறங்குவாரா? </strong></p><p>கால்பந்து உலகின் நட்சத்திர அணிகளில் ஒன்றான பிரேசில் இதுவரை 5 முறை உலகக்கோப்பையை (1958, 1962, 1970, 1994, 2002) வென்றுள்ளன. </p><p>அதிக முறை உலகக்கோப்பை வென்ற நாடு என்ற பெருமை கூட பிரேசில் வசம் தான் உள்ளது. ஆனால் 2000ஆம் ஆண்டுக்குப் பின் பிரேசில் நாடு கால்பந்து உலகக்கோப்பையை வென்றதில்லை. </p><p>23ஆவது சீசன் உலகக்கோப்பை ஜூன் 11ஆம் தேதி தொடங்க உள்ள நிலையில், இந்த உலகக்கோப்பையை கைப்பற்றும் முனைப்பில் பிரேசில் தீவிர பயிற்சியுடன் களமிறங்குகிறது. </p><p>எனினும் அந்த அணியின் நட்சத்திர வீரர் நெய்மர் களமிறங்குவது தொடர்பாக இன்னும் உறுதி தகவல் எதுவும் வெளியாகவில்லை. </p><p>கெண்டைக்கால் காயம் காரணமாக பனாமா, எகிப்து அணிகளுக்கு எதிரான உலகக்கோப்பை பயிற்சி ஆட்டங்களில் விளையாட மாட்டார் என்று பிரேசில் கால்பந்து கூட்டமைப்பு வியாழனன்று திடீரென அறிவித்தது. </p><p>இது அந்நாட்டு ரசிகர்களுக்கு பெரும் அதிர்ச்சியை ஏற்படுத்தியுள்ளது. குணமடைவார் எனினும் பிரேசில் பயிற்சியாளர் அன்செலோட்டி கூறுகையில்,”நெய்மர் தனது கெண்டைக்கால் காயத்தில் இருந்து குணமடைந்துவிடுவார்” என்று கூறி, ரசிகர்களுக்கு ஆறுதல் அளித்துள்ளார். </p><p>இதுதொடர்பாக அவர் மேலும் கூறுகையில், “சாண்டோஸ் கிளப்பிடம் (பிரேசில் கிளப்) இருந்து எங்களுக்கு ஒரு அறிக்கை வந்தது.</p><p>அதில் நெய்மருக்கு ஒரு சிறிய பிரச்சனை (வீக்கம்) இருப்பதாகக் கூறப்பட்டிருந்தது. </p><p>மே 27ஆம் தேதி வரை அந்தச் சூழ்நிலையைக் கையாளுவதை சாண்டோஸ் கிளப்பிடமே நாங்கள் விட்டுவிட்டோம். ஆனால் பயிற்சியாளர் குழுவின் பார்வையில் நெய்மர் கண்டிப்பாக அணியில் சேர்க்கப்பட வேண்டியவர் என்பதால் அவர் அழைக்கப்பட்டார். </p><p>மே 27-க்குப் பிறகு, நெய்மரின் உடல்நிலையை கவனிக்கும் பொறுப்பை பிரேசில் கால்பந்து கூட்டமைப்பு ஏற்றுக்கொண்டது. </p><p>நெய்மர் குணமடைவதற்கான பணிகளை நாங்கள் கவனித்து வருகிறோம். அவர் எவ்வளவு விரைவாக முடியுமோ அவ்வளவு விரைவாகக் குணமடைவார் என்று நாங்கள் நம்புகிறோம். </p><p>தற்போது நெய்மார் நன்றாகப் பயிற்சி செய்து வருகிறார். நல்ல மனநிலையில் இருக்கிறார். உலகக் கோப்பையின் முதல் போட்டிக்கு அவர் தயாராகிவிடுவார் என்ற நம்பிக்கையிலும் உள்ளோம்.</p><p>ஒருவேளை அவர் முதல் போட்டிக்குத் தயாராகவில்லை என்றாலும், இரண்டாவது போட்டிக்குத் தயாராகிவிடுவார்.</p><p>எனவே, அவருக்குப் பதிலாக வேறு யாரையும் அணியில் சேர்க்கும் எண்ணம் எங்களுக்கு முற்றிலும் இல்லை” என்று அவர் உறுதிபட கூறினார்.</p><p><strong>நெய்மர் இல்லையென்றால்?</strong></p><p>ஒருவேளை காயம் காரணமாக நெய்மர் உலகக்கோப்பை தொடரில் விளையாடாமல் இருந்தால் பிரேசில் அணியை இந்த 6 பேர் வழிநடத்துவரகள். </p><p>1. வினிசியஸ் ஜூனியர் (முன்கள வீரர் / விங்கர்) </p><p>2. ரோட்ரிகோ (முன்கள வீரர்) </p><p>3. அலீசன் பெக்கர் (கோல் கீப்பர்) </p><p>4. புருனோ கிமரைஸ் (நடுகள வீரர்) </p><p>5. மார்குயின்ஹோஸ் - (தற்காப்பு வீரர்) </p><p>6. எண்ட்ரிக் (கோல் கீப்பர் தவிர மற்ற பிரிவுகளில் ஜொலிப்பவர்-வளர்ந்து வரும் இளம் நட்சத்திரம்)</p><p>நெய்மர் இல்லையென்றால் கால்பந்து உலகின் மிகவும் ஆபத்தான மற்றும் வேகமான விங்கர்களில் ஒருவரான வினிசியஸ் ஜூனியர் அணியை வழிநடத்துவார் என்பது குறிப்பிடத்தக்கது.</p><p><br></p>