நீட் தேர்வர்கள் கவனத்திற்கு: ரத்து செய்யப்பட்ட தேர்வு கட்டணத்தைத் திரும்பப் பெற விண்ணப்பிக்கலாம்!

<p>ரத்து செய்யப்பட்ட நீட் தேர்வுக்கு செலுத்திய கட்டணத்தை தேர்வர்கள் திரும்ப பெற மே 27 வரை விண்ணப்பிக்கலாம் என தேசிய தேர்வு முகமை தெரிவித்துள்ளது</p><p>நாடு முழுவதும் மே 3 ஆம் தேதி நடைபெற்ற இளங்கலை மருத்துவப் படிப்பிற்கான நீட் தேர்வு வினாத்தாள் கசிவு காரணமாக ரத்து செய்யப்பட்டது.</p><p>இந்த தேர்வுக்காக செலுத்திய கட்டணத்தைத் திரும்பப் பெறுவதற்கான விண்ணப்ப செயல்முறையை தேசிய தேர்வு முகமை (NTA) தொடங்கியுள்ளது. தேர்வர்கள் மே 27 ஆம் தேதி வரை தங்களது வங்கி கணக்கு விவரங்களை சமர்ப்பிக்கலாம் என அறிவிக்கப்பட்டுள்ளது.</p><p>இதற்காக தேர்வர்கள் அதிகாரப்பூர்வ இணையதளமான neet.nta.nic.in தளத்திற்குச் சென்று, “Fee Refund Window for NEET (UG) – 2026” என்ற ஆப்ஷனை கிளிக் செய்து விண்ணப்ப எண் மற்றும் கடவுச்சொல்லைப் பயன்படுத்தி உள்நுழைய வேண்டும். பின்னர், வங்கி கணக்கு எண், IFSC குறியீடு உள்ளிட்ட விவரங்களை பதிவு செய்து சமர்ப்பிக்க வேண்டும் என அறிவுறுத்தப்பட்டுள்ளது.</p><p>தவறில்லாத வங்கி விவரங்களை வழங்குமாறு தேசிய தேர்வு முகமை கேட்டுக்கொண்டுள்ளது. தேவையெனில் ரத்து செய்யப்பட்ட காசோலை (cancelled cheque) நகலையும் பதிவேற்றலாம் என்றும் தெரிவிக்கப்பட்டுள்ளது.</p><p><br></p>