துணிவை இழக்காதீர்கள், தொடர்ந்து போராடுங்கள் - நடிகர் நடிகர் நசீருதீன் ஷா

<p>நீட் வினாத்தாள் கசிவு, சீர்கெட்டு வரும் கல்வி முறை ஆகியவற்றுக்கு ஒன்றிய அரசு பொறுப்பேற்க வேண்டும் என வலியுறுத்திப் போராடும் மாணவர்களுக்கு ஆதரவு தெரிவித்து மூத்த நடிகர் நசீருதீன் ஷா தனது இன்ஸ்டாகிராம் பக்கத்தில் காணொளி வெளியிட்டுள்ளார்.</p><p>அந்த காணொளியில் அவர் கூறியதாவது:</p><p>&quot;அறிவற்ற ஒருவர் இந்நாட்டை வழிநடத்தினால், ஒட்டுமொத்த நாடும் அதேபோல அறிவற்றதாகவும், சிந்திக்கும் திறன் அற்றதாகவும், பயனற்றதாகவும், இரக்கமற்றதாகவும் மாறவே அவர் விரும்புவார். முகமூடி அணிந்து தடிகளுடன் அமெரிக்காவின் ICE அதிகாரிகளை போலச் செயல்படும் குண்டர்களால் நம் பிள்ளைகள் கொடூரமாக நடத்தப்படுவதைக் காணும்போது, ​​என் மனம் கனக்கிறது; அதே சமயம் கடும் கோபமும் கொள்கிறேன். சில சமயங்களிலாவது உங்கள் சொந்த பிள்ளைகளைப் பற்றிச் சிந்தித்துப் பாருங்கள்; நீங்களும் ஒரு நாள் உங்கள் விதியைச் சந்திக்க நேரிடும் என்பதை நினைவில் கொள்ளுங்கள். </p><p>இந்த பிள்ளைகள் அனைவருக்கும் நான் ஒன்றைச் சொல்ல விரும்புகிறேன்: துணிவை இழக்காதீர்கள்; பலரின் அனுதாபமும் ஆதரவும் உங்களுக்கு உண்டு. பலர் உங்களுடன் இருக்கிறார்கள். தொடர்ந்து போராடுங்கள். நம் நாட்டின் இளைஞர்கள் மீது எனக்கு எப்போதும் நம்பிக்கை இருந்தது; இப்போது அந்த நம்பிக்கை இன்னும் வலுவடைந்துள்ளது. நீங்கள் அனைவரும் உங்கள் போராட்டத்தைத் தொடருங்கள். நாங்கள் அனைவரும் உங்களுடன் இருக்கிறோம். </p><p>இந்நாட்டு அரசாங்கத்திடம் நான் இதை மட்டுமே சொல்ல விரும்புகிறேன் – அனைத்தும் நினைவில் கொள்ளப்படும்.&quot; இவ்வாறு அவர் தெரிவித்துள்ளார்.</p>