“என் அதிருப்தி, என் அறை”

31 Mar 2026, 4:50 pm

“என் அதிருப்தி, என் அறை” கோயம்புத்தூருக்கு வருகை தந்த பிரதமர் நரேந்திர மோடியை வரவேற்க, விமான நிலை யத்தில் பா.ஜ.க மற்றும் கூட்ட ணிக் கட்சித் தலைவர்கள் வரி சையாகக் காத்திருந்தனர். ஆனால், அங்கே ஒரு முக்கிய முகத்தைக் காண வில்லை; அவர்தான் தமிழக பாஜகவின் முன்னாள் தலைவர் அண்ணாமலை. பட்டியலில் பெயர்... ஆள் எங்கே? பிரதமரை வரவேற்கும் முக்கியப் பிரமுகர்கள் பட்டியலில் அண்ணாமலையின் பெயர் மின்னியது. ஆனால், விமானம் தரையிறங்கியபோது அவர் அங்கே இல்லை. “பட்டியலில் பெயர் இருந்தது, ஆனால் அவர் வரவில்லை” என வானதி சீனிவாசன் அப்பாவியாகக் கூறியிருப்பது சமூக வலைதளங்களில் விவாதமாகியுள்ளது. தொகுதிப் பங்கீட்டில் தனக்கு நெருக்கமானவர்களுக்கு இடம் கிடைக்காத அதிருப்தியில் அண்ணாமலை ‘ஸ்டிரைக்’ செய்கிறாரா அல்லது தில்லி மேலிடத்தின் மீது கோபமா என அரசியல் நோக்கர்கள் கேள்வி எழுப்புகின்றனர். வானதியின் நழுவல் அண்ணாமலை ஏன் வரவில்லை என்ற செய்தியாளர்களின் கேள்விக்கு, வானதி சீனிவாசன் லாவகமாகப் பதிலளித்தார். “அண்ணாமலை எப்போது வருகிறார் என்று நானும் கேட்டுக்கொண்டே இருந்தேன். அவர் எங்களின் ‘அன்புத் தம்பி’. பா.ஜ.க-வில் தனிநபர் ஆதரவாளர்கள் என்று யாரும் கிடையாது” எனக் கூறி மழுப்பினார். கட்சிக்குள் நிலவும் கோஷ்டிப் பூசலை மறைக்க அவர் எடுத்த முயற்சி அப்பட்டமாகத் தெரிந்தது. எங்கே போனார் ஐ.பி.எஸ்? ஒரு காலத்தில் “என் மண், என் மக்கள்” என நடை பயணம் மேற்கொண்டவர், இப்போது பிரதமர் வந்த போது “என் அதிருப்தி, என் அறை” என முடங்கிக் கிடக்கிறாரா?  பிரதமரின் வரவேற்பையே புறக்கணிக்கும் அளவுக்கு ஈகோ  வளர்ந்துவிட்டதா அல்லது மேலிடம் அவரை ஓரங்கட்டி விட்டதா? “ஒழுக்கமான கட்சி” என மார்தட்டிக்கொள்ளும் பா.ஜ.க-வின் உட்கட்சிப் பூசல் இப்போது கோயம்புத்தூர் விமான நிலையம் வழியாகத் தெருவுக்கு வந்துள்ளது.