மாரத்தான் போட்டி: அமைச்சர் தொடக்கி வைப்பு
21 Dec 2025, 3:21 pm
<p><strong>மாரத்தான் போட்டி: அமைச்சர் தொடக்கி வைப்பு</strong></p>
<p>அரியலூர், டிச.21- துணை முதல்வர் உதயநிதி ஸ்டாலின் பிறந்தநாள் விழாவை முன்னிட்டு, அரியலூர் மாவட்டம் மீன்சுருட்டி அருகே, 6 கிலோ மீட்டர் தூரம் மினி மாரத்தான் போட்டி நடைபெற்றது. போட்டியினை போக்குவரத்துத் துறை மற்றும் மின்சாரத் துறை அமைச்சர் தொடங்கி வைத்தார். திருச்சி - சிதம்பரம் தேசிய நெடுஞ்சாலையில் பொன்னேரி மற்றும் ஆமணக்கந்தோண்டி கிராமத்தில் இருந்து ஜெயங்கொண்டம் குறுக்கு ரோடு வரை 6 கிலோமீட்டருக்கு இந்த போட்டி நடைபெற்றது. நிகழ்ச்சியில் முன்னதாக ஜெயங்கொண்டம் எம்எல்ஏ க.சொ.க.கண்ணன், ஜெயங்கொண்டம் ஒன்றிய பொறுப்பாளர் என்.கணேசன் ஆகியோர் முன்னிலை வகித்தனர். போக்குவரத்து மற்றும் மின்சார துறை அமைச்சர் எஸ்.எஸ். சிவசங்கர், போட்டியில் வெற்றி பெற்ற வீரர்களுக்கு பரிசுகளை வழங்கி சிறப்புரையாற்றினார். மேலும் மராத்தான் போட்டியில் கலந்து கொண்ட மாற்றுத்திறனாளி ஒருவரை பாராட்டி பரிசு வழங்கினார். ஆண்கள், பொது பிரிவு ஆண்கள் (18 வயதிற்கு கீழ்) மற்றும் பெண்கள் உள்ளிட்ட மூன்று பிரிவுகளாக நடைபெற்ற போட்டியில் முதல் 5 நபர்களுக்கு ரூ.1000 முதல் 10 ஆயிரம் வரை பரிசு தொகை வழங்கப்பட்டது. இதில், பல்வேறு பகுதிகளில் இருந்து வீரர்கள், வீராங்கனைகள் என 700-க்கும் மேற்பட்டோர் கலந்து கொண்டனர்.</p>
<p> </p>