மகாராஷ்டிராவில் பிற்படுத்தப்பட்ட முஸ்லீம்களுக்கான இடஒதுக்கீட்டை நீக்கிய பா.ஜ.க! - முதலமைச்சர் மு.க.ஸ்டாலின் கண்டனம்

<p>மகாராஷ்டிராவில் கல்வி மற்றும் வேலைவாய்ப்புகளில் பிற்படுத்தப்பட்ட முஸ்லீம் மக்களுக்கு அளிக்கப்பட்ட 5% இடஒதுக்கீட்டை ரத்து செய்த அம்மாநில பாஜக அரசுக்கு முதலமைச்சர் மு.க.ஸ்டாலின் கண்டனம் தெரிவித்துள்ளார். .&nbsp;<br /> இதுகுறித்து அவர் தனது எக்ஸ் பதிவில் கூறியதாவது:<br /> &quot;மகாராஷ்டிராவில் பிற்படுத்தப்பட்ட முஸ்லீம்களுக்கான இடஒதுக்கீட்டை நீக்கிய பா.ஜ.க!<br /> இதைத்தான் இந்தியா முழுவதும் செய்யத் துடிக்கிறார்கள். அண்மையில் மறைந்த மகாராஷ்டிர துணை முதலமைச்சர் திரு. அஜித் பவார் அவர்கள் 2014-இல் பிற்படுத்தப்பட்ட முஸ்லீம்களுக்கு 5% இடஒதுக்கீடு அளிக்கும் முடிவை எடுத்தார்.<br /> அவர் மறைந்த துயரம் அனைவரின் மனதில் இருந்தும் அகல்வதற்குள் அவர் எடுத்த முடிவை நீக்கியுள்ளது சிறுபான்மையினர் வெறுப்பில் ஊறிப்போன பா.ஜ.க.!<br /> இதுதான் இஸ்லாமிய மக்களுக்கு AntiMinorityBJP அறிவித்திருக்கும் ரம்ஜான் பரிசா?<br /> தப்பித் தவறிக் கூட தமிழ்நாட்டுக்குள் NDA வரவே கூடாதென ஏன் சொல்கிறேன் புரிகிறதா? வந்தால் நம் அனைவரின் இடஒதுக்கீடும் காலி!<br /> இவர்களுக்கு ஒருநாளும் வளர்ச்சி அரசியல் தெரியாது; தெரிந்ததெல்லாம் மதவெறி சூழ்ச்சி அரசியல் மட்டும்தான்.<br /> இத்தகைய வெறுப்பு எஞ்சின்கள் தமிழ்நாட்டில் ஓட அனுமதிக்க மாட்டோம்! &quot;தமிழ்நாடா NDA-வா?&quot; எனும் 2026 ஜனநாயகப் போரில் தமிழ்நாடே வெல்லும்!&quot; இவ்வாறு அவர் தெரிவித்துள்ளார்.<br /> &nbsp;</p>