மதுராந்தகம், தாராபுரம் இடைத்தேர்தல் இறுதி வேட்பாளர் பட்டியல் வெளியீடு!

<p>மதுராந்தகம், தாராபுரம் இடைத்தேர்தலில் வேட்புமனுக்கள் பரிசீலனை மற்றும் வேட்புமனு திரும்பப்பெறுவதற்கான கால அவகாசம் நிறைவடைந்த நிலையில் இன்று இறுதி வேட்பாளர் பட்டியல் வெளியிடப்பட்டது.</p><p>தமிழ்நாட்டின் இரு தொகுதிகளில் வரும் அக்.6-ஆம் தேதி தேர்தல் நடைபெறுகிறது. வேட்புமனுக்கள் தாக்கல் செய்யப்பட்டு, கடந்த செப்.17-ஆம் அன்று வேட்புமனுக்கள் பரிசீலனை செய்யப்பட்டது. இன்று (செப். 19) வேட்புமனுவைத் திரும்பப் பெறுவதற்கான கால அவகாசம் முடிவடைந்த நிழலில் இடைதேர்த்தலில் போட்டியிடும் இறுதி வேட்பாளர்கள் பட்டியல் வெளியிடப்பட்டுள்ளது.</p><p>மதுராந்தகம் தொகுதியில் 28 பேரின் வேட்புமனு ஏற்கப்பட்ட நிலையில் ஒருவர் தனது வேட்புமனுவை வாபஸ் பெற்றதால், தற்போது 27 பேர் போட்டியிடுகின்றனர். தாராபுரம் தொகுதியில் 14 சுயேட்சை வேட்பாளர்கள் உட்பட 22 பேர் போட்டியிடுகின்றனர்.</p><p>மதுராந்தகத்தில், தவெக சார்பில் மரகதம் குமரவேல், திமுக சார்பில் பரந்தாமன், அதிமுக சார்பில் கணிதா சம்பத், மார்க்சிஸ்ட் கம்யூனிஸ்ட் கட்சி சார்பில் பி.சுகந்தி, நாதக சார்பில் ஜானகிராமன் உள்ளிட்டோர் போட்டியிடுகின்றனர்.</p><p>தாராபுரத்தில், தவெக சார்பில் சத்தியபாமா, திமுக சார்பில் சுகன்யா, அதிமுக சார்பில் பானுமதி, இந்திய கம்யூனிஸ்டு கட்சி சார்பில் பி.லட்சுமணன், நாதக சார்பில் கார்த்திகா உள்ளிட்டோர் போட்டியிடுகின்றனர்.</p><p><br></p>